部屋咖啡室

今日friend約咗我傾佢嘅人生大事😆地點就係家樂坊對面 都幾就腳唔講都唔知原來家樂坊對面嘅登打士廣場上面有間自成一角嘅Cafe店員安排咗唔係鋪面嘅 另外一間房都幾有私人空間 入邊都有啲生日party嘅裝飾，啱晒啲朋友約開生日party烤雞蘑菇闊條麵份量都幾足夠，烤雞唔會太鹹忌廉都唔會太膩，整體嚟講幾平均，唔錯香辣虎蝦海鮮意粉小辣得來唔過分，蕃茄味亦都夠酸，小刺激得來幾開胃，配料有虎蝦，青口同埋魷魚，整體來講配合得幾好芝士西蘭花西蘭花好大隻，配埋完全溶化嘅芝士拉絲，平時唔係好食蔬菜嘅朋友都忍唔到口全部清晒蜜糖雞翼焗得啱啱好金黃色，脆口得來配返少少蜜糖，鹹鹹甜甜，好味朱古力香蕉多士伴雪糕本身食完晒啲嘢已經好飽，仲驚緊食唔落呢個多士，點知完全冇問題，因為真係幾好食！朱古力醬配多士本身已經好易入口，再加埋邪惡嘅凍冰冰朱古力雪糕，兩個人一路話夠啦夠啦，但係轉個頭就成個食晒🤣整體嚟講坐得都幾舒服，嘢食質素唔錯，下次如果同多幾個朋友想搵間Cafe坐下應該都會再嚟…Read More

由中學時代已經成日同朋友上嚟玩呢度有過百款Board Game由經典策略Game到最新派對Game都應有盡有叫一杯嘢飲就可以同朋友吹水玩game岩晒啲消費唔高，但係又想一大班人gathering香辣虎蝦海鮮意粉    -虎蝦爽彈鮮甜，青口、魷魚、蜆肉鋪滿成個意粉海鮮精華全部滲入意粉度。香辣蒜片刺激惹味辣得嚟帶出海鮮嘅鮮甜，意粉掛汁一流蛋黄汁卡邦尼意粉    -蛋黃汁稠身掛汁，鹹香煙肉碎同濃郁Parmesan芝士撈埋一齊，每一條意粉都掛滿Creamy嘅蛋黃醬，食落蛋香超突出椒鹽雞軟骨    -即叫即炸，椒鹽雞軟骨香噴噴！炸到金黃酥脆鹹香惹味，軟骨口感爽脆，越嚼越香美式炸薯條    -粗身薯條外層脆卜卜，內裡薯肉綿密薯味香濃灑滿鹽花簡單配茄汁已經好正楊枝甘露特飲    -打成沙冰咁綿滑，飲到香甜芒果肉同清爽柚子絲仲有陣陣椰香士多啤梨奶昔    -呢杯士多啤梨奶昔粉嫩嫩用新鮮士多啤梨打成飲到粒粒果肉，奶香順滑，甜度自然雪糕伴朱古力香蕉厚多士    -邪惡組合！厚多士烘到外脆內軟，鋪滿焦香香蕉同濃郁朱古力醬。一啖咬落，凍冰冰嘅雲呢拿雪糕撞上熱辣辣嘅多士，冰火交融！甜香軟滑，脆口綿密…Read More

係旺角有好多樓上Cafe位於登打士廣場呢間好多青年時代回憶不論一班朋友仔還是二三知己都啱呢間Cafe有多款嘅board game用黎敍舊真係不錯嘅地方又唔會限時限刻趕你走👍落單時係自行寫白板度幾得意🤣又有不同人數嘅套餐選擇👫👫👭👭👫👫👭👭COMBO FOR TWO 二人套餐10吋手拉PIZZA🍕炸蟹餅意粉/焗飯飲品（可以加錢轉不同飲品）又可以加錢追加小食𠻹🍕🍕🍕🥗🥗🥗🍝🍝🍝另外叫咗個沙津👉🏻煙三文魚雜果沙律有沙律生菜+蘋果粒都幾多+菠蘿二人餐小食👉🏻炸蟹餅新鮮炸出入口軟熟配埋泰式醬汁主食👉🏻BBQ蘑菇烤雞Pizza🍕😋烤雞肉夠嫩滑有蘑菌香味批底係少少厚薄批焗到微脆唔會好似食餅乾咁👍主食👉🏻香辣虎蝦海鮮意粉🍝虎蝦大隻又新鮮爽口青口大大隻都唔錯意粉彈牙個汁好惹味 正貪心我多隻蝦就更好🤣飲品👉🏻奇異果沙冰特飲好少cafe有得飲清新特別適合炎夏酸酸甜甜味道飲品👉🏻手沖冰波奶茶佢個冰係用奶茶雪一個大波波所以飲極都唔會溝淡左好耐冇玩波子棋🤣🤣…Read More

想同朋友慶祝生日, 又要在旺角市中心尋找一間坐得舒適, 又有好野食的Cafe, 見<部屋咖啡屋>有很多好評, 當然要來試下！！~好彩我們有預先訂座, 平日晚上, 未到夜晚8點, 已經全場爆滿, 建議來前要預先訂座。因為人多, 又多人慶祝生日, 現場環境都幾有氣氛, 到處充滿歡笑聲。睇完餐牌, 我們選了二人Combo set dinner。<烤雞蘑菇寬條麵>有烤雞肉、蘑菇、洋蔥、香草等配料, 忌廉汁都幾creamy, 寬條麵味道不錯。<BBQ烤雞蘑菇Pizza>手拉pizza製作相當認真, 有雞肉、蘑菇等配料, 入口非常鬆軟。<炸蟹餅>炸蟹餅啖啖肉, 炸得金黃香脆。<薯條>餐廳用上粗身薯條, 即叫即炸, 香脆好食。<朱古力雪糕香蕉厚多士>呢個香蕉雪糕多士非常邪惡, 多士上面鋪滿朱古力醬、忌廉、香蕉, 同埋仲有一大舊朱古力雪糕, 見到都已經流曬口水, 朱古力醬非常香甜, 配埋香蕉同多士, 非常好食。<奇異果沙冰>餐廳用上新鮮奇異果榨成沙冰, 入口酸酸甜甜, 清新又健康。<黑森林mocha>朱古力咖啡配上朱古力醬, 忌廉, 仲有雪糕, 完全充滿黑森林的朱古力風味。同朋友喺度慶祝生日食飯, 可以坐足兩個幾鐘, 意粉、pizza同飲品都好味, 又可以消磨時間, 值得推薦！！~…Read More

藏身旺角鬧市嘅樓上Café，復古工業風裝修➕🌿，超chill環境啱晒打卡📸！主打西式菜，份量足又高質，性價比爆燈💯～ **🍝 煙三文魚意粉** 三文魚油脂香濃🐟，忌廉醬汁creamy得嚟唔膩🍶，意粉煮得al dente有咬口！加上點綴，清新平衡～必試！ **🍕 西西里Pizza (10吋)** 薄脆餅底🔥，鋪滿拉絲mozzarella🧀同辣肉腸🌶️，仲有酸甜番茄醬🍅同火箭菜🥬，口感豐富！邊位脆卜卜，邪惡但停唔到口😈～ **🦀 炸蟹餅** 外皮金黃酥脆💛，一咬爆餡！蟹肉鮮甜🦀混住洋蔥粒🧅，蘸埋他他醬更惹味～熱辣辣上枱♨️，小心燙口！ **🍯 蜜糖雞翼** 蜜糖 glaze 閃令令✨，甜中帶微鹹～雞皮香脆🐥，肉質juicy唔乾柴，食完想encore！ **🧋 手沖冰波奶茶** 茶底濃郁回甘☕，冰波慢慢溶保持冰凍❄️～奶香順滑🥛，甜度適中，茶控必點！ 正爆**🥭 楊枝金露** 芒果肉香甜🥭，西柚微酸🍊，加上爆汁西米同椰奶🥥，清新解膩～夏日必飲🌞！ …Read More

呢間餐廳學生時代已經食過，今日特登返嚟重溫下🩷裝潢依然係溫馨嘅風格。座位係沙發式，坐得好舒服。餐廳有設有桌游：如炸彈貓、monopoly，同朋友嚟可以玩下遊戲同傾吓偈。呢間餐廳主食有意粉、risotto、同pizza。我同朋友都俾虎蝦海鮮意粉吸引咗，另外跟餐二人餐$398仲可以嗌pizza、送炸蟹餅、同兩杯飲品。如果嗌特飲都只係需要+$25，我同朋友毫不猶豫咁嗌咗水果茶同沙冰香辣虎蝦海鮮意粉賣相好靚，食落更有驚喜，唔遜色於其他西餐廳。蕃茄加辣醬，食落酸酸甜甜、又不失香味，不愧係招牌之一👍🏻西西里pizza辣肉腸，加上酸甜嘅茄醬、芝士，令人忍唔住一啖又一啖咁食。個人覺得火箭菜係畫龍點睛，係必食之一🥰炸蟹餅味道唔錯，辣醬惹味奇異果沙冰出面嘅餐廳好少見奇異果沙冰，味道幾特別。酸酸甜甜得嚟，又唔會太甜，值得一試水果茶浮上嚟真係有粒粒水果，一壺茶可以斟好多杯，慢慢飲同朋友傾吓計一流❤️食到最後其實已經飽飽地，但係都嗌咗個甜品試吓。香脆嘅吐司配上香蕉同朱古力雪糕，邪惡得嚟又令人忍唔住係咁食，最後我同朋友都清晒盤🥰🥰…Read More

今日我去咗一間餐廳，叫咗幾樣好正嘅食物，實在忍唔住想同大家分享。黑松露意大利飯呢個意大利飯嘅香味真係好吸引，一嚟到就聞到黑松露嘅濃郁香氣。飯粒煮得剛剛好，仲有啲creamy嘅口感，搭配著蘑菇同埋芝士，真係令我每一口都食得好開心。黑松露嘅味道唔會過於搶風頭，反而係一種好細膩嘅享受，真係推介！烤雞闊條面雞肉烤得恰恰好，外面啲皮脆脆，裡面保持住多汁，咬下去真係好滿足。面條呢，係啲寬條面，唔會太油膩，仲有啲醬汁滲入去，食起來味道好豐富，加上啲青菜，整體好均衡，真係好好味。煙三文魚沙律呢個沙律用咗新鮮嘅生菜、番茄同埋煙三文魚，顏色都好靚，食落去好清新。煙三文魚味道濃郁，搭配啲橄欖油醬汁，令整個沙律更加提味，食完之後都覺得心情好好。美式炸薯條雖然係小食，但真係好正！炸得金黃脆口，外面 crispy，裡面軟綿，配埋番茄醬或者美乃滋，真係好夠味，係一個perfect嘅小食。楊枝金露同水果茶楊枝金露甜甜地，椰漿嘅香味同埋啲新鮮水果完美結合，特別適合餐後嚟一碗，輕鬆又開胃。而水果茶就好清新，茶味唔會過濃，配合啲水果，飲完之後好舒服。…Read More

登打士廣場位處家樂坊斜對面，非常容易搵，上到黎會係一間小小既舖仔，但有180度景觀，無論日頭定夜晚應該都會感到開揚舒服，場內有好多Board game比人拎黎玩，呢度明顯係懷舊Cafe果種gimmick，野食亦認真唔錯，無論幾個老Best定係一家大細我覺得都岩！Combo For Two二人套餐$398, 野飲視乎嗌咩而加少量錢千島夏威夷手拉🍕 比想像中出色，薄薄既手拉餅底入口有煙韌感，唔係即脆或者淋patpat既感覺，呢個會有啲芝士拉絲既feel, 口感豐富，I like it，而焗過後既菠蘿仍然有juicy feel，整體我比好高分香辣虎蝦海鮮意粉微辣既辣度，唔食辣既人都岩食，意粉首先夠爽唔會淋唔會硬,軟熟度岩岩口掛到啲汁係上面，青口乾淨潔身，鮮味重，元貝粒都彈牙，隻虎蝦一樣係值得一讚既新鮮挺身又彈牙越式炸蟹餅首先夠熱辣辣同夠爆，粒粒蟹肉係炸物入面配合洋葱粒粒，夠實浄感滿分雪糕伴朱古力香蕉厚多士黎到Cafe不得不提既係甜品同飲品，甜品款式唔多就揀左個最吸引既，厚身又脆既多士係必須既，配合朱古力醬淋面變得惹味，個雪糕都好重奶味，入口滑嘟嘟咁，好爽！！熱柚子茶淡淡柚子清香適合食完濃味食物同甜品之後品嚐，佢個自家製既杯都好得意Latte鮮奶咖啡有gf ge記得佢有心心拉花，示下愛攪下啲儀式感要啦，入口滑溜又順，奶味濃郁，唔錯二人餐我額外嗌左個蜜糖雞翼外觀已經夠吸引，炸到金黃色而蜜糖點點滴滴係翼身，香口脆身，咬落去好Juicy，入面唔乾身又鞋口，好容易就骨肉分離…Read More

星期一黎到油麻地，家樂坊對面就係呢幢食飯大樓，有好多餐廳，我地揀左呢間Homemadecafe試試😀。一到12樓發現好多人😳 平日夜晚都咁多人真係估唔到！ D座位都好寬敞、兩個人都可以坐得好舒服。佢有兩個room，我地被安排到別室，有咩事就禁鐘仔🛎️叫員工過黎🤙🏻 呢度特別嘅係手寫白板落單。睇吓餐牌先，d飲品都好有特色，最驚喜嘅係見到花茶，通常都好少樓上餐廳會整。我地發現叫Combo Set係最抵😆 我地叫左個2人餐 $398。🍝烤雞闊條麵比想像中好食😋 真係有用心烹調，有Pepper味 & 重忌廉味，係幾Creamy幾上癮的🤙🏻 雞肉同蘑菇都幾好😆 意粉好容易會煮硬左，但呢個柔軟適中，我地係食晒成碟！煙三文魚沙律🥗 $108沙律好多料，有三大塊三文魚、好多蘋果雜果、菜都新鮮唔苦，抵食！至尊辣肉腸Pizza🍕D料好正😛 我係食左3塊，吸晒辣肉腸、青椒、邪惡芝士落肚，真係3-4個人Share都得😗二人餐仲包個炸蟹餅小食，又係幾好，配埋泰式酸甜醬，好香口滿足😌我地叫左特飲，每杯+$25，奇異果沙冰幾好，重水果味。小紅帽係類似士多啤梨奶昔，好邪惡但好飲😝呢度適合朋友Gathering，Chill吓玩遊戲🥳…Read More

想搵一間可以坐得耐同朋友傾偈嘅好地方，發現呢間樓上嘅Cafe，食物飲品款式都非常豐富🍝 香辣虎蝦海鮮意粉呢碟香辣虎蝦海鮮意粉色澤鮮明，香氣撲鼻，意粉吸滿濃郁番茄辣醬，配上肥美虎蝦、鮮嫩魷魚、青口同微微炒香嘅蔬菜。• 🦐虎蝦：肉質爽彈，鮮味十足。• 🐙魷魚與青口：口感豐富，冇腥味，同番茄辣醬融合得恰到好處，提升整體鮮味。• 🍝意粉：煮得剛好，彈牙不糊，辣度適中。• 🫑配菜如青椒：為整體加入清新感。🍕西西里香辣肉腸火箭菜Pizza金黃微焦嘅餅底，鋪滿香辣肉腸、辣肉粒、蘑菇同新鮮火箭菜，色彩豐富。• 🌶️辣肉腸 & 辣肉粒：雙重辣味組合，肉香濃郁，帶有煙燻感，辣度適中。• 🍄‍🟫蘑菇：煎至微焦，釋放出濃厚菌香。• 🥗火箭菜：新鮮爽口，喺濃味之中加入一抹清新。🦀 炸蟹餅金黃酥脆、配埋一碟甜辣醬。• 蟹肉餡料：鮮味突出，調味恰到好處。• 配醬：甜辣醬酸甜中帶少少辣。🌸 八寶美顏花茶單睇外觀已經令人心情放鬆，配上木蓋玻璃茶壺。• 玫瑰花：香氣柔和，入口帶微微花香，有助舒緩情緒，提升整體茶感層次。• 紅棗：自然甘甜，同時補氣養血，令茶味更圓潤。• 枸杞：帶有淡淡果香，入口微甜，與紅棗相輔相成。• 桂花：幽香清雅，有種秋日暖陽嘅感覺。• 茉莉花：清新怡人。🍫 黑森林朱古力高身玻璃杯盛載住濃郁朱古力，頂層鋪滿厚厚嘅鮮忌廉，仲有一條脆皮卷心酥，賣相極具層次感，令人即刻想影相打卡。• 朱古力：入口香濃滑順，唔會過甜，朱古力味道夠厚重。• 鮮忌廉：柔滑輕盈。🍰 豆腐芝士蛋糕呢件豆腐芝士蛋糕係外表睇落似傳統芝士蛋糕，但其實以豆腐為基底，令整體口感更輕盈細膩，冇咁膩口，食完唔會有負擔。• 豆腐芝士層：質地滑順，豆香與芝士香交融得恰到好處，唔會互相搶味，反而互補。• 底層餅乾：微脆帶焦糖香，口感更豐富。• 草莓與草莓醬：酸甜平衡。…Read More

📍 部屋咖啡室 (旺角)旺角登打士街43H號登打士廣場12樓🍝 辣虎蝦意粉啖啖都係辣勁十足，虎蝦夠鮮又彈牙，意粉掛汁一流，食到出汗都唔捨得停口，啱晒鍾意刺激味道嘅朋友！🍳 全日早餐份量夠晒足，炒蛋滑、煙肉香、多士脆，加埋香腸同茄汁豆，朝早食完夠晒精神，夜晚食都一樣滿足！🥦 芝士西蘭花西蘭花爽口唔焗過火，芝士溶得啱啱好，唔會太漏但又夠味，食落有啲似健康版芝士焗菜，幾有驚喜！🥗 凱撒沙律生菜新鮮脆口，凱撒醬夠濃唔會太膩，加埋煙肉碎同芝士粉，口感層次豐富，食完有種輕盈又滿足嘅感覺。☕ 拿鐵鮮奶咖啡奶香濃郁，咖啡唔會太苦，口感順滑，啱晒唔太飲得苦嘅人，坐低慢慢嘆一杯，心情都靜晒落嚟。🇮🇹 意大利泡咖啡泡沫厚身又香，咖啡味濃但唔澀，飲落有啲似去咗意大利街頭Cafe咁，啱晒鍾意原味濃郁咖啡嘅你！回頭:Yesyesyes!!!想同朋友靜靜地傾吓偈嘅一個好地方😋😋😋…Read More

旺角呢間樓上cafe有成個櫃嘅board game任你揀 款式多到花多眼亂 想搵個地方同朋友gathering呢度真係一流 又有得食又有得玩 香辣虎蝦海鮮意粉 虎蝦幾大隻 肉質緊實 青口 蜆肉 魷魚等海鮮都好新鮮 脆身嘅青椒同洋蔥増加咗口感 個茄醬底調得啱啱好 酸酸甜甜再帶少少辣食落好惹味 煙三文魚意粉忌廉醬汁好creamy 掛滿每一條意粉 食落去好滑好濃郁但又唔會覺得好滯 用料都幾足 煙三文魚唔係得幾片仔 入口帶住淡淡嘅煙熏鹹香 同個忌廉汁好夾 蘑菇同洋蔥煮到軟身 清甜嘅味道完全融入咗個汁裡面 椒鹽雞軟骨 一上枱已經聞到好香椒鹽味 炸到金黃酥脆 越嚼越香果味紅茶 (百香果) 食完d濃味嘢飲返杯熱嘅百香果紅茶夠哂解膩楊枝甘露 芒果味好香甜 仲有紅柚同寒天晶球 咬落去好Q彈…Read More

放假日去好姊妹屋企玩完貓hea完一個下午，諗住叫外賣，點知要等勁耐🥲諗諗下落街食仲快中學回憶既樓上cafe，數數手指都應該有10幾年冇去，諗起以前係cafe打躉hea一個下午，成班同學開開心心，雖然而家滿街cafe林立，但少咗份溫馨餐廳有兩邊，我地揀咗坐隔離比較靜啲嘅一間房menu以飲品居多，花茶沙冰奶茶果茶任君選擇食物選項就小食比較多，main都有意粉同意大利飯選擇我揀咗手沖冰波奶茶，大大粒奶茶冰波配樽仔奶茶，就算用咗都唔會溝淡啲味朋友就揀咗百香果味紅茶，唔chemical，不過就有少少甜，加啲水就啱啱好，咁好抵飲🤣啲comment話食物質素參差，但呢個辣虎蝦意粉真係好OK配菜好多，甜椒洋蔥蘑菇，仲有好多茄蓉，意粉好彈牙唔會煮到爛曬，調味都好好會過辣或者重口味，虎蝦唔算大隻但都好爽口，仲有兩隻青口，而且份量都好多叫咗兩款小食：蜜糖雞翼同椒鹽魷魚鬚蜜糖雞翼醃得好入味，係好食嘅蜜糖雞翼，最緊要係新鮮炸起好惹味椒鹽魷魚鬚都炸得好香脆，真係熱辣辣會辣到口果隻嚟，本身都夠調味唔需要額外點醬，sofar啲小食都好有驚喜唔覺意坐下傾下就過咗幾個鐘，環境靜靜地，如果想搵個地方靜靜地食飯傾偈都唔錯…Read More

一入到去就覺得氣氛舒服，裝修有啲似屋企客廳，仲擺滿咗唔同嘅board game，好明顯係啱晒朋友聚會嘅地方。食物方面，我哋首先試咗辣虎斑意粉。條意粉煮得夠al dente，唔會淋，虎斑魚肉新鮮嫩滑，帶少少辣勁，後勁仲幾香，令人愈食愈想食。之後就到西西里Pizza(10吋)，批底薄脆，芝士拉絲效果一流，每啖咬落去都好滿足，餡料份量啱啱好，唔會搶晒芝士嘅風頭，平衡得幾靚。小食方面我哋揀咗炸蟹餅，外層炸到金黃香脆，咬落去仲有啲「卜卜脆」，入面蟹肉鮮甜，配埋少少醬汁一齊食更加惹味，成個小食份量唔算多，但勝在精緻同埋質感夠好。飲品方面，我叫咗奇異果沙冰，酸甜之間帶清爽感，食完Pizza之後嚟一啖即刻解膩；朋友嗰杯水果茶就清香帶果香，飲落去有層次感，唔會死甜。甜品就留到最後先上——豆腐芝士蛋糕。呢個真係驚喜之作，口感滑溜，芝士味濃郁但又唔會膩，豆腐帶嚟一種清爽感，好似食緊輕盈版芝士蛋糕，完美地幫成餐飯收個尾。埋單$598，連埋服務費，以旺角嚟講算係合理。加上環境夠舒適，座位唔逼，坐耐啲都冇人趕，最正係食完之後仲可以開局玩board game，狼人殺、UNO、Jenga樣樣齊，食同玩一次過滿足。不止有驚喜甜品同埋高質主食，仲提供超多遊戲，係旺角鬧市入面一個可以慢慢食、慢慢玩嘅小天地，好啱三五知己一齊hea足一晚。…Read More

旺角人多，想搵個地方靜靜地食飯唔係咁易。見呢間樓上Cafe「部屋咖啡室」網上好評幾多，就決定上嚟試下。餐廳唔算好大，但環境幾舒服，坐得幾自在。我哋先叫咗個「越式炸蟹餅」做前菜。蟹餅外層炸得幾香脆，食落味道都夠，唔會成舊都係粉，配埋酸甜醬汁幾開胃。👍主食方面，我試咗「辣虎蝦番茄意粉」🍝。番茄醬汁味道幾濃，帶少少微辣，幾惹味。意粉煮得軟硬適中，做到 al dente。配料都幾足，有青口、蝦同魷魚，食落都幾新鮮爽口。朋友叫嘅「黑松露意大利飯」🍄，黑松露香氣一上枱就聞到。醬汁好 creamy，份量夠多可以均勻包住每粒飯，而且濕潤度啱啱好，食落唔會太腍，保留到少少飯心嘅口感。甜品我哋揀咗「豆腐芝士蛋糕」🍰。佢嘅質感幾滑，不過食落豆漿味唔算好出，反而芝士味比較濃郁。面頭嘅士多啤-梨醬增加咗少少清新感，但個人覺得如果可以俾客人選擇落唔落會更好😂。飲品方面，「朱古力沙漠」幾有驚喜，朱古力味好濃，小朋友應該會好鍾意。🍫總括嚟講，食物質素唔錯，價錢合理。另外見到餐廳有唔少board game，如果想同朋友喺旺角搵個地方食下嘢、hea下，呢度會係一個唔錯嘅選擇！🎲…Read More