影片
更多
2020-03-22
93 浏览
都臨近阿妹生日，而佢又一直話想食日本野，所以約佢黎食呢間餐廳，不過其實我都有私心嘅，就係我知道呢度有海膽魚子井，所以想試試😂除咗我叫嘅海膽魚子井，其他都係我妹揀嘅，包括有六品刺身盛、三文魚腩（佢真係好鍾意食三文魚）、煎餃子，同埋芒果花之戀，原本想試試和牛刺身，不過可惜賣曬，飲品就叫咗荔枝蘋果蘇打海膽魚子井其實算細細碗，但唔知點解鏡頭下竟然睇落好大碗😂海膽味道鮮，口感綿，連本身有d怕食海膽嘅妹，試咗啖之後都話唔錯。今次魚子我覺得味道恰到好處，唔會太鹹，亦唔會腥，我基本上冇乜落醬油，撈好之後就可以食，飯原本以為係凍，原黎係微溫刺身方面，我最喜歡蝦同埋三文魚腩，我本身都鍾意食蝦刺身，今次嘅都唔錯，口感糯糯嘅，蝦頭味濃，而三文魚腩味道真係好出，一咬落去，除咗滿滿嘅油香，仲有好濃郁嘅魚肉味。（之前食過有d雪過龍嘅三文魚，除咗雪味，乜都冇）今次嘅好滿意，鍾意食三文魚嘅唔可以錯過，另外由於三文魚腩相當厚切，一舊塞入口，香味係填滿成個口腔👍另一道與三文魚有關嘅，就係芒果花之戀，芒果味中和咗油膩感，就算之前食咗好多刺身，食埋花之戀都唔會覺得膩。上面嘅青瓜絲超多...成座塔咁搭係上面，令到呢份花之戀多幾分
除咗我叫嘅海膽魚子井，其他都係我妹揀嘅，包括有六品刺身盛、三文魚腩（佢真係好鍾意食三文魚）、煎餃子，同埋芒果花之戀，原本想試試和牛刺身，不過可惜賣曬，飲品就叫咗荔枝蘋果蘇打
海膽魚子井其實算細細碗，但唔知點解鏡頭下竟然睇落好大碗😂海膽味道鮮，口感綿，連本身有d怕食海膽嘅妹，試咗啖之後都話唔錯。今次魚子我覺得味道恰到好處，唔會太鹹，亦唔會腥，我基本上冇乜落醬油，撈好之後就可以食，飯原本以為係凍，原黎係微溫
刺身方面，我最喜歡蝦同埋三文魚腩，我本身都鍾意食蝦刺身，今次嘅都唔錯，口感糯糯嘅，蝦頭味濃，而三文魚腩味道真係好出，一咬落去，除咗滿滿嘅油香，仲有好濃郁嘅魚肉味。（之前食過有d雪過龍嘅三文魚，除咗雪味，乜都冇）今次嘅好滿意，鍾意食三文魚嘅唔可以錯過，另外由於三文魚腩相當厚切，一舊塞入口，香味係填滿成個口腔👍
另一道與三文魚有關嘅，就係芒果花之戀，芒果味中和咗油膩感，就算之前食咗好多刺身，食埋花之戀都唔會覺得膩。上面嘅青瓜絲超多...成座塔咁搭係上面，令到呢份花之戀多幾分清新。食埋旁邊嘅芒果粒，當係飯後果吧。
差d唔記得仲有煎餃子，講真我第一次見煎餃係咁嘅賣相，成個圓盤咁，一開始仲以為上錯咗。原黎要吉落去先見到一隻隻嘅餃子，相當有趣。味道方面正常吧，有d似超級市場買返黎嗰種，就係唔會好重口味，唔會膩。
蘋果荔枝蘇打竟然忘記打卡，飲前記得攪拌，如果唔係味道唔均勻，下面有粒荔枝果肉，都幾爽口清甜嘅
今次真係相當滿足，完完全全係滿足曬我嗰位成日嘈住要食三文魚嘅阿妹，佢都覺得好滿意👍
服務方面，服務員好似全部都係後生仔，原本以為佢地做野會比較隨意，但估唔到做起野上黎相當認真同有禮貌，值得讚
张贴
