十三姨 (通菜街)

营业中

休息中

閑日大概七點幾去到，都要等六七張枱。記得以前都有食過，而且印象都唔錯，所以決定今晚再去試吓。坐低咗之後店員即刻擺咗蝦片，餐具。食物亦都好快就送上，我哋叫咗十三么，鵝肝蛋飯，仲有西多雞翼。食物賣相唔錯，份量亦都足。先講十三么，我哋加咗錢轉翠玉瓜加粉絲面底，個湯底好清淡，啲雞肉亦都唔係特別好亼，好普通。第二樣係西多雞翼，見到好多蜜糖牛油林左喺面，好似又炸得好香口，好期待。但係食落有啲失望，完全唔入味。雞翼同個蜜糖醬分離🥲最後一樣亦都係想食嘅鵝肝蛋飯，鵝肝脹卜卜，煎得唔錯，三大塊，另外加埋太陽蛋送飯一流，三樣食物之中鵝肝飯就最好食。