全記海鮮菜館

营业中

休息中

兩個人的假日，走去西貢食海鮮，順便去行下，放鬆一下。晚上六點幾餐廳已經好多人，唔知係咪星期日的關係多人外出食飯，坐位已經有七、八成滿。見到好多海鮮的價格都係時價售賣，而我地得兩個人都係叫個二人海鮮餐比較抵食。首先有我最喜歡的芝士焗龍蝦，大大隻的龍蝦，肉質爽口彈牙，而且厚肉。伊麵就煮得淋咗少許，芝士味濃郁。薑葱炒蟹蟹比較細隻，唔係好多肉，有少許的蟹膏。用薑葱炒惹味又香口。蒸倉魚蒸魚最講夠的是時間，蒸得耐魚的肉質會變硬和老。今次條魚蒸得岩岩好肉質緻滑。白灼海生蝦蝦細隻，但勝在鮮甜和爽口彈牙菜心細條份量都算多，唔苦呢餐都算唔錯啦，四百幾蚊一餐又有四樣海鮮食都好抵。