全記海鮮菜館

上回講到New York 親戚到港，一落機就帶他們到灣仔福臨門食晚飯。完全係貨不對辦 (請查看本人在福臨門的食評）。今天親戚會返紐約。昨晚帶他們到西貢食海鮮。去咗全記。親戚喺美國好難食到香港咁多種類和咁新鮮海鮮。揀咗八種海鮮，有瀨尿蝦、貴妃蚌、扇貝、聖子、奄仔蟹、螺、海蝦 + 一條成斤重嘅魚。好好味。唔會煮得太鹹。食到海鮮味。條魚$400。成條上。蒸得好好食。埋單都係差不多$3000。每人$1000左右。親戚都話抵食，平過紐約好多。仲話下次返香港帶佢哋紐約嘅朋友再嚟食。咁樣先至係做生意。…查看更多

早兩幾日喺西貢食海鮮，在全記，其餐廳門口自家海鮮檔揀海鮮都要收人頭加工費。本來明買明賣無問題,但點曬菜先 講,全記海鮮餐廳收費不透明 希望遊客可以看到此信息, 一起捍衛香港美食之都A few days ago, I went to Sai Kung to eat seafood at Quan Ji. At the restaurant's entrance, they had their own seafood stall where you could pick your seafood.However, they charged a per-person processing fee. While it's fair to say that clear transactions are acceptable, the issue is that they only informed us about the charges after we had ordered everything. Quan Ji Seafood Restaurant has unclear pricing.I hope visitors see this information: Quan Ji Seafood Restaurant has unclear pricing. Let’s work together to protect  Hong Kong as a Culinary Capital…查看更多

一行五人食晚飯，叫咗每位$198 個set ! 茶位每位$20，已經不是第一次來，但今次的晚餐體驗有點令人失望😮‍💨椒鹽鮑魚👍🏻— 好味亦新鮮爽口，值得一試椒鹽魷魚🦑— 炸得剛剛好，不油膩，值得一試芝士龍蝦伊面— 不新鮮，肉質淋，芝士味亦不突出，可以不試椒鹽脆豆腐👍🏻— 外脆內滑，值得一試豉椒炒蜆—有沙，味精的味道，殼多過肉，可以不試蒜蓉粉絲蒸扇貝👎🏻👎🏻— 殼同肉完全分離，似用雪藏帶子放在殼上，真的令人失望☹️埋單時好在check 單，無端端加咗$138 食龍躉，但係我哋無食，所以話返佢聽，但佢好似唔信咁，係個櫃枱到攪咗一輪，佢再問埋serve 我哋嘅侍應，好在侍應真係知我哋無食龍躉，係佢哋入錯單，如果唔係就麻煩！職員態度有問題，最後都無一句唔好意思🫤嚟食海鮮，但咁嘅質素，咁嘅態度，唔會再幫襯…查看更多

來這間酒家飲茶都不是第一次 當年疫情嚴重時 大家都只可以來這裡旅遊和散心 所以茶市都好熱鬧 今天特意來到這裡參觀天后廟誕 這裡依然很熱鬧 多了一些遊客 但都係本地人多 職員很有禮 那杯茶真的很濃很熱 我和家人都很滿意 食物方面：來的時候剛好下午茶時間 所以很多食物都有折扣優惠 那就試一試 這兩個點心 開始時真的誤解 以為係兩份 但原來是夾埋一齊 不過都很大份 很滿意這個排骨很足料 肥瘦適中 這個是下午茶優惠小食之一 我真的很驚訝 原來這個份量 下面有生菜底 但兩個人食很足夠 這個最後來到的炒米粉 份量都很足夠 都係下午茶優惠小食 大量芝麻令米粉很香 今次這兩個人的下午茶最後係要打包回家 因為剛好預備了打包工具所以不用收膠盒錢 每人大約一百蚊 價錢都算合理 不過其實下次應該可以點少一點 免得浪費了就可惜 今日大部分居民 所以很多都只是食點心 但都有一些食海鮮嘅遊客 但老實講我見啲所謂海鮮都係用太量醬料炒成 應該唔會俾普通酒樓好食吧…查看更多

週末突然想去吃海鮮 見到呢間人多就揀呢間 結果大失所望😅d賴尿蝦380一斤 避風塘炸完個蝦肉軟趴趴 鬆鬆散散完全不彈牙 龍蝦也是一樣 嚴重懷疑份量不足 蝦頭都冇上 炸鮮魷都係一樣軟趴趴 五六樣海鮮得個白灼海蝦新鮮 而且個價格貴得離譜 茶位20蚊 白灼海蝦加工費99蚊 dllm你避風塘椒鹽炒收番我百幾蚊就算 白灼收我99真係冇嘢講 下次無可能再來 鯉魚門同樣價格品質好的太多 如果你係遊客 強烈建議唔好黎呢間 專宰大陸同鬼佬遊客 strongly not recommend this restaurant, would rather choose McDonald nearby.…查看更多

西貢全記海鮮吃飯，加錢叫咗一條沙巴龍躉，上菜一食非常腥，純粹打算同餐廳反映，但部長話呢種魚就係咁腥，佢哋都沒辦法保證，如果臭咗就有問題，聽到呢個解釋我哋真係無語，當場呆哂，如果知道係腥點解唔供應另一款魚？或者用一個可以掩蓋腥味嘅做法？仲話自己米芝蓮餐廳？人哋成日話香港食海鮮係交智商稅，我終於明白點解咁講..根本就係因為有呢啲餐廳，又冇質素又收得貴，反映意見又唔肯改善，仲要價錢唔平，好難令到本地人同遊客有信心。…查看更多

5道海鮮精選：🥢 蒜蓉粉絲蒸帶子 強烈推介蒜香撲鼻，粉絲吸哂汁，清蒸出極致鮮味😍🥢 豉椒炒蜆 強烈推介爆香豆豉加上肥美蜆肉，送飯神器😋💥🥢 芝士龍蝦伊麵超creamy芝士醬包住龍蝦件，濃郁得黎唔膩！底層伊麵吸滿醬汁，每啖都係高潮🧀🦞🍜🥢 椒鹽鮮魷 強烈推介炸到外脆內彈，香辣惹味，好下酒🔥🥢 薑蔥炒花蟹經典鑊氣味，蟹肉鮮甜，食到吮手指👏🏻🧅另外，5人有5道海鮮選擇，再送菜一碟。份量足夠，已第三次食。明碼實價，多選擇，質素有保證。…查看更多

假期去了西貢一趟小旅行！喺海邊見到一間幾大規模嘅海鮮菜館！又大又靚, 裏面都幾乾淨, 侍應又多！嗌咗佢嗰個海鮮餐, 每人$298🐑蒜蓉扇貝有勁多粉絲同埋蒜蓉, 同埋嗰啲帶啲真係好新鮮！🐑芝士龍蝦伊麵都算好多龍蝦肉！🐑椒鹽鮮魷撈飯真係好好味！🐑豉椒炒蜆🐑炒蟹！食得非常之滿足！！🐑🐑🐑…查看更多

周末同隻狗去西貢全記海鮮菜館飲早茶，雖然當日天氣陰暗，但環境舒適，啱晒放鬆心情。兩人共叫咗六個點心，蝦餃皮薄透亮，蝦肉鮮甜爽口，味道夠正。蒸排骨軟熟，豆豉同醬汁滲入骨肉，又唔會太鹹，食落穩陣。牛柏葉爽脆，滷汁入味，帶點嚼勁，份量啱啱好。魚肉虎皮尖椒幾特別，尖椒嫩滑，魚肉軟腍，微辣嘅調味開胃，食得出新鮮。鮑汁鳳爪燜得軟糯，鮑汁香濃，味道深厚，慢慢食好滿足。仲有一個點心唔記得名，係用芋頭加南瓜煎既餅，口感唔錯，應該係傳統款式。六籠點心，每籠大概四十幾蚊，連茶位費同服務費，總共使咗$332，價錢合理。服務員態度親切，見我帶狗都好包容，仲幫我哋安排舒服位。下次會想再試其他款式，平靜地享受一個上午。…查看更多

西貢飲茶 雖然宜間吾係特別平 但勝在環境舒服 食物質素都吾差 好過出面酒樓 鐘意嘅話仲可以叫小小海鮮 。 點心即叫即蒸 幾好食 特別炒飯好乾身 又香。吹下海風 舒服地食一餐都幾好架 幾推薦…查看更多

睇咗好多差評都係食300蚊一個人的套餐講真300蚊食海鮮你想食到啲咩海鮮吖仲要揀大瀨尿蝦, 成本都200蚊一隻, 點會1人畀到1隻你食300蚊想食花足蝦, 東星斑, 澳龍, 南非鮑嗎.....冇可能㗎嘛一定係畀草蝦, 黃立倉, 波龍, 大連鮑你食所以我去一定唔會叫套餐, 不過埋單1000蚊一個人, 但係好食嘅今次食咗車蠔288一斤, 東星500元一條, 長頸瀨尿蝦380一斤2隻, 奄仔蟹1隻服務幾好嘅, 花生食晒可以再添 (可能因為唔係叫套餐)結論: 要食海鮮就唔好慳錢, 唔好貪平食套餐…查看更多

西貢系食海鮮出名地方老公放假就會得閒揸車入去飲茶😍最鍾意食海鮮嘅我😜油鹽水蝴蝶蚌系至愛，夠鮮甜👍👍椒鹽瀨尿蝦，喺屋企根本唔會整到嘅味道😋象拔蚌刺身超鮮超爽雖然價格係偏高，但係物有所值保持新鮮水準另外仲有點心都好食必食蝦餃，皮薄蝦爽👍仲要坐海邊，可以欣賞海景仲可以帶埋寵物去放鬆一下逢假日有機會都會去休閒💕…查看更多

今日同屋企人到西貢走走，到埗後即到全記留檯，12 點 5 位到咗 12 點，門口知客個樣已經炆炆憎憎，然後問我哋係咪 12 位，我哋話 5 位 12 點，佢就粗聲粗氣個樣好滿意咁叫我哋入座-點咗 8 款食物，蝦餃大粒飽滿，蝦肉鮮爽；臘腸卷有濃郁肉香，包體幾鬆軟綿密，推介！芋頭腩肉芋頭夠粉；籠仔蒸飯龍躉雪白爽彈有鮮味；奶黃流沙包好香奶黃同鹹蛋黃味道；叉燒腸質感較濕同淋，叉燒冇蜜汁香同較乾柴，整體食物質素唔錯，係服務態度有待改善…查看更多

成班舊同事約咗7:30入西貢飲早茶，坐喺戶外睇住個太陽慢慢升起真係大癲。同埋好鍾意佢有點心檔，可以喺出邊自己揀點心，細個時就係鍾意逐個逐個揭，睇吓有咩驚喜。蒸餃、蝦餃、粉果啲皮都做得夠薄，餡料都好飽滿。唔知係咪本身做開海鮮檔，覺得佢啲蝦餃真係特別飽滿。啲炸嘢都唔會食到成口油。排骨唔會剩係得啲骨。腸粉就正常發揮，反而幾鍾意佢個雞絲粉皮，個餡啲味調得幾好。不過個碎牛粥就有少少失望，似食碎左㗎牛肉球，唔係平時粥舖啲免治牛。最後要讚吓佢個咖喱土魷，真係掛到汁比起早排去其他酒樓食，呢度真係做得好好。同埋值得一讚啲員工，坐出面個太陽升緊嘅時候，佢就將啲太陽傘就住個太陽升到咁上下再移位，驚會曬到啲客，呢方面係幾窩心嘅。事次用餐為自費。…查看更多

二人套餐差到可以鬧街，唔知點有勇氣開落去嘅，仲米芝蓮，好評邊度嚟嘅？ 海邊海鮮仲可以咁唔新鮮身，都冇我街市買嘅新鮮。 不知你哋嘅海鮮係邊度嚟嘅？ 冰櫃度新鮮攞出嚟嘅酒吧？ 龍蝦好苦，海蝦細到以為係北極甜蝦。 老闆侍應態度惡劣。👍👍👍👍店大欺客，附近好多分店，檔口都好大，但睇本地人都係喺食點心。 海鮮總之套餐千祈唔好食，食完你會覺得不如餓住。 同老闆反饋食材問題只收錢唔做任何表示，牛氣冲天🤷🤷🤷 食飯冇食飽氣飽咗…查看更多