金輝海鮮菜館

营业中

休息中

想來西貢食海鮮，行過海鮮街會經過好多選擇，多到眼花撩亂。都唔知揀邊間好？今次我哋由價錢黎選擇，揀咗一間最平嘅金輝海鮮酒家，明碼實價、絕無另加收費。二人餐，已包茶芥、加一。另外送白飯、青菜、時令水果。豉椒炒蜆：蜆超級細粒，好似一隻手指咁大，雖然份量多，但寧願食大隻少少。椒鹽炒蝦：食到有幾隻蝦，唔係咁新鮮，蝦頭同肉霉霉地。不過因為已經炒到超級香口，所以食起嚟其實你唔係好覺味道有唔同，但憑質地可以講得出。芝士龍蝦伊面： 龍蝦開左半邊，中規中矩，唔算太細隻，而且都算一舊大啖啖肉。不過個伊麵可以直接跳過，只係用嚟填飽肚嘅工具。椒鹽鮮魷：炸物真係算正正常常，份量唔算多，但係都幾好味。講佢價錢係最平，但係只不過平其他舖頭幾十蚊到，下次你可以再去多幾檔睇吓人地食緊既食物嘅質素先決定。