塘西豐味館私房菜

营业中

休息中

同朋友黎到西營盤電車站旁嘅一間充滿驚喜私房菜， 佈置好有格調，一入去就好似穿越番去7,80年代香港懷舊風格~ 估唔到超多款菜式，抵食😮得黎仲要好好味😍🍆惹味厚切茄子輕輕過油後令到茄子外焦內嫩，茄子切得厚實令到口感啖啖肉般~ 搭配特製醬汁，鹹鹹地又有微辣味道，真係好正，刺激味蕾好開胃🦀招牌砂鍋蟹粥真材實料砂鍋蟹粥。大大隻蟹浸入大鍋粥入面，蟹蓋差不多成隻手大。另外，睇得出廚師心思，將蟹切為小件就可以好易食到蟹肉。番開蟹蓋會見到有好多香濃的膏，而成個粥由白色煮到金黃色，蟹香四溢，成個粥都好香好夠味，難怪係招牌必食之一⭐️蜜椒金薯花尾龍躉斑球魚肉有味，不是雪藏魚。大量蜜糖完美咁包住每件龍躉斑球同薯仔粒。蜜糖形成脆脆地外殼，入面就係香滑嘅魚肉，一啖咬入口，魚香滲出~ 🥬啫啫生菜生菜夠香口又夠鑊氣！搭配特製香料，一打開個蓋就聞到勁香~ 好味🍨桂花桃膠糖水桃膠大大粒，口感軟彈有嚼口。搭配清香桂花，帶出微甜令人感到恰當好處。正~🫖荔枝茶呢度有好多特別茶葉，今次叫左荔枝茶！好正！