講返個西冷扒，舊牛扒勝在夠厚，夠啖啖肉，黑椒汁份量多，夠淋有凸，塊鉄板亦好夠熱，上左枱灘左成分鐘先淋汁，都勁多煙，D汁周圍噴，但係塊扒明顯就有D乾身同少少鞋口，我叫五成熟，其實都差唔多熟晒，不過又真係冇理由要求快餐式鐵板達到咁嘅要求，人哋又唔係扒房，都係一分錢一分貨啦。另外，因為我對鬆肉粉敏感，落左少少我都會即刻唔舒服，佢嘅牛扒我證實係冇落嘅。
意粉普通質素，有D唔夠熱。羅宋湯最最最最最出色，夠酸夠辣又有果皮香，係市面上食肆難搵到嘅質素，不過唔知佢其他嘅分店係唔係一樣咁出色⋯（我已經係同一間店encore過無數次）
