金記冰室 (康怡廣場北座) (已結業)

食物吾錯,如果可以開通宵到零晨4,5點或24小時,可以讓食客感受下太古城夜晚的氣紛,更可以讓太古城住客夜晚來金記嘆一嘆歇一歇,或者可考慮金記逢星期一三五開通宵,紅豆冰室逢星期二四六開通宵。又或者可考慮只是逢星期五六才開通宵。羅宋湯好飲,麵包好食,奶茶好飲,如果有雙餸式三餸飯套餐就好了。…查看更多

晚市幫襯，餐廳好坐但有少少味，當日其他餐廳都就收所以左呢間比較多位既餐廳。叫左xo 醬辣中海鮮炒烏冬加凍檸茶，$82。上菜時已經呆左，料比較少同急凍海鮮都係預左，但係所有海鮮都係又油又梅，非常唔新鮮既感覺。除左食材唔新鮮，炒烏冬竟然係連暖都稱唔上，只係室溫，成碟野都幾油下又有幾多鑊屎，食完覺得唔係好舒服。辣味一d都無。最後一半都食唔曬。$82既話真係食對面aeon food court 都仲好食🤣可能比較可取既係侍應服務態度幾好。…查看更多

第二間我唔敢講，這間真係極品！第一次吃早餐叫牛肉麵！D麪一早淥熟，放在碗裏之後淋湯上，多謝43元！食落口d麵又凍又硬！第二次吃午飯，叫過萄式海鮮炒飯！羅宋湯正正常常，但當碟飯送到我面前只見到很多腸仔粒同幾條魷魚加d好似是發蠔仔之類東西！已經知道伏了！吃後口感覺…. 很健康…因為完全冇落鹽或未精！冇味！好似吃白飯中左右！播放之後夾硬吃完！多謝78元！行出去見到很多人！真係唔明為何那麼多人排隊！可能夠健康掛！…查看更多

叫了份鐵板牛柳餐，牛柳上枱 刀切唔到，咬唔郁，吞唔落！ 無骨海南雞飯油飯飯底凍飯、雞鞋颯颯。難食。魚茄子魚柳煲一般勝在夠熱，白飯凍飯。凍檸檬菜蜜及凍檸檬利賓納，屬於糖水。難飲。幫襯嘅人應該係唔介意食物嘅質素！…查看更多

有日突然好想食港式野，然後見附近有金記就入去試下。一坐低已經見到有好多蚊飛嚟飛去、筷子又多污漬，好核突。但坐低咗又費事走，諗住快快脆食完走人，對野食味道完全冇任何expectation。叫咗個二人餐，波蘿咕嚕肉同椒鹽豬扒。先講咕嚕肉，望落乾真真，醬又唔勻循，咬落去有一半都係炸粉。椒鹽豬扒呢啲比較重口味嘅菜式都可以整到冇乜味，淡口唔辣又唔咸。豬扒乸到好林，好多肥肉。剩低一半冇食到。飲品：凍檸茶同凍奶茶一樣，茶底冇味，好淡色，飲緊檸水咁。總結：環境污糟，成餐飯好似同啲蚊搭枱咁，好唔開胃；食物味道又差又求其，套員工制服仲敢寫「傳統風味，新派演繹」，真係笑死人。大快活都好食過垃圾金記。…查看更多

原本諗住去康怡廣場金記食個早餐 。點知去到金記門口 。嗰款服務態度真係好到我 。立即轉頭走 。情願去食大家樂算數 。咁既服務態度 。我無福消受………食左咁多次 。今次係服務最差既一次 。…查看更多

相比其他區既話,太古呢邊比較少去同搵野食, 不過又係太古都食過幾間既餐廳,今次為左速食就揀左金記冰室但是都係失望既味道. 或者期望太高?~!今次點了一個仿鮑絲火腿通粉, 煎蛋配多士, 熱檸檬茶..仿鮑絲火腿通粉 (X)份量算正常既,味道算正常既不過反而食完覺得好口渴... 要飲番多D水都係有D口渴... 煎蛋配多士(X)煎蛋size好似少左d? 多士雖然有醬不過口感唔算好, 呢個真係比較失望既味道...熱檸檬茶(ok)正常既味道沒有特別...總結黎講>>>係常餐黎講, 味道真係有d失望... …查看更多

金記大致上質素都幾好，我成日都幫襯。佢啲嘢食選擇又多又好味，只係服務態度還好啦，可以做得好啲。早餐、午餐、晚餐以及常餐都好多選擇，而且樣樣都好食，又平，平靚正嘅嘢我好鍾意😋。不過環境清潔同埋衛生就可以再改善。…查看更多

One  of  the  creamiest  curry  I’ve  ever  tried!  Tne  ox-toungue  has  just the  right  tenderness  that  sips  in  the  curry  sauce & they gave generous amounts or portion in one dish! There were 4 pieces of them which was unlike the other chann chaan teng’s I have been to. Also, a very friendly team in this branch of Kam Kee even at busy hour! Worth the try! …查看更多

啊～真係好掛住馬拉嘅味道！名小館傾力打造嘅「切雞喇沙」就一定滿足到你嘅味蕾！👅切雞肥美嫩滑，喇沙湯底椰香味濃郁同時伴隨惹味香辣🌶，將切雞點落去浸一浸完全係走咗馬拉一轉咁，風味份量十足，真係非試不可！ …查看更多

今晚一人前，貢左去敏華食扒。Order左西冷牛扒，5成熟，跟意粉，羅宋湯同凍0樂。講返個西冷扒，舊牛扒勝在夠厚，夠啖啖肉，黑椒汁份量多，夠淋有凸，塊鉄板亦好夠熱，上左枱灘左成分鐘先淋汁，都勁多煙，D汁周圍噴，但係塊扒明顯就有D乾身同少少鞋口，我叫五成熟，其實都差唔多熟晒，不過又真係冇理由要求快餐式鐵板達到咁嘅要求，人哋又唔係扒房，都係一分錢一分貨啦。另外，因為我對鬆肉粉敏感，落左少少我都會即刻唔舒服，佢嘅牛扒我證實係冇落嘅。意粉普通質素，有D唔夠熱。羅宋湯最最最最最出色，夠酸夠辣又有果皮香，係市面上食肆難搵到嘅質素，不過唔知佢其他嘅分店係唔係一樣咁出色⋯（我已經係同一間店encore過無數次）…查看更多

最近突然間好想食港式鐵板，見餐廳位於太古極就腳，加上menu款式多又有小菜、套餐、咖喱，就一於試試佢！鐵板西冷牛扒🐮🤤係港式鐵板嘅味道waaa，淋上黑椒汁 - 炸一聲，不得了風味一流 / 牛扒足一寸厚，但一啲都唔老un / 叫上medium rare，切開仲有粉嫩色 真心必叫😍口水雞🐣🤤醬汁睇得出用上自家配製，有啲似豆瓣醬質地輕微酸甜，撈飯之選 / 雞肉嫩滑，啱啱熟 / 如果有幾粒花生就Perfect池了金銀蛋浸白菜仔🥗飲得出用上上湯，並唔係淡茂茂亦唔會過鹹 / 足料有齊金銀蛋炸蒜仲有海量碎肉，cp值高仲有冰鎮芥蘭爽口冇渣，喺得出有心思會搣走支葉整體嚟講， 食物質素高並非普通茶餐廳質素…查看更多

Lunch time 超具人氣！🥰無論上班族定附近住戶，親民飯堂好食又高質。 $80芝士鮮茄焗牛舌飯，人氣牛舌必試！三大片，好厚身超足料！🤤飯/意粉，炒飯底有誠意，加上蛋碎好香。加配餐湯🍅羅宋湯，🥬有椰菜同番茄酸甜惹味。口味更可選少汁/多汁，可以根據個人喜好悉心調整。最近想食得健康少少，所以少汁最適合我，🍚配上番茄醬，撈飯好好味。 $126 鐵板西冷牛扒，🥩牛扒大件有份量，薯菜薯條香口，汁底:黑椒汁味道濃郁。餐湯:是日老火湯，親切解渴。🥦加配:冰鎮芥蘭，日本芥辣大條香脆，好新鮮。口味:7成熟，汁另上。…查看更多

在康怡地下舖人常常很多＠＠內部座位數蠻多，我們很喜歡坐靠窗的位！坐位很寬坐著很舒適^_^以下是MENU晚市套餐常常會變，請以現場見到為主喔！真的有很多餐點選擇！而且東西味道都很不錯！男友很喜歡咖哩牛舌，咖哩真的很港式濃郁好好吃！！配飯真的可以一口接一口啊🤤凍奶茶(左)、凍朱古力(右)凍奶茶的茶與奶喝起來的感覺是比例1:1很好喝凍朱古力也非常推薦！又濃又甜～麻辣雞片米線是我最愛吃的一款！每次來幾乎都吃這個哈哈了無新意這款麻辣味道真的好香光聞著口水就流下來了…..雞片是超嫩的那種部位米線還可以選擇要硬一點還是軟一點＠＠我喜歡超軟超爛的麵ＸＤ每次都選要爛一點麻辣程度也可以選擇，我都選最辣😍，如果可以吃辣也愛吃辣的一定要選大辣啊！他的湯頭不是死鹹的那種，真的超級推這個！之前還有一次遇到沒有米線，換成公仔麵也超好吃！！大推！海南雞飯也是很熱門的一款！雞很嫩而且真的沒有吃到骨頭～醬也超級好吃！也很推薦～濃厚芝士焗肉醬意粉中規中矩的好吃鐵板XO醬雞扒炒即食麵這個也是中規中矩的好吃～也很推薦呢！！Btw 中規中矩的意思就是，你覺得他吃起來應該是什麼味道，就是跟想像一樣好吃沒有歪掉的意思ＸＤ注意：本食記僅代表當次用餐體驗，僅供參考。…查看更多

下午5時許想食個早D既飯，system 不能下單，問女職員，點知俾人話到好似低能咁，你唔識？咁我下單！食物來時已凍，食得實在唔開心。D鷄似反叮，D蝦仲有好重雪藏味。。。…查看更多