火五越式牛肉粉專門店 (其昌樓)

营业中

休息中

叫咗個三色冰 味道勁淡所以問佢哋攞糖漿 粉紅色頭髮個女仔態度都幾好 點知飲飲下杯嘢有粒黑色嘢 硬硬哋就吐咗出嚟 點知好似係老鼠屎🤮🤮咁就即刻拎張紙巾比個店員睇 係完整一條老鼠屎！仲要有毛喺上面！跟住佢就掉咗我張紙巾 跟住佢就提議話幫我哋換過杯嘢飲 或者cancel咗嘢飲錢 但係我係嗌一人套餐所以係跟餐嘅 冇得cancel 但我又信唔過佢哋自己沖既嘢飲 就轉樽裝烏龍茶跟住臨買單嗰時越諗越唔舒服 就同佢反映下叫佢哋衛生情況做好啲 跟住就有個店員堅持話一定唔係屎話因為擺喺喺雪櫃雪藏 但又解釋唔到係乜嘢嚟 我理得你點樣雪藏 總之你哋衛生有問題 嗰舊一定唔係食物！ 跟住買完單走嗰時，廚房仲要有個店員好似條氣唔順咁 話要收返我哋烏龍茶錢！ 態度勁差 好似撩交嗌咁 奉勸大家唔好食 俾錢買難受！有錯又唔肯認 *好彩我仲有另外一張紙巾留過證據 如果唔係又話我屈佢哋