駟馬拖車潮汕飯店

街坊潮州茶樓，見到好多街坊家庭食客捧場。老香港中式茶樓。很多特別潮州菜。茶芥$14一位 再加一。

一來會上一碟酸菜$13 ，酸甜口，開胃！

試咗幾款潮州地道菜，不錯！

滷水四喜拼盤
當然唔少得潮州滷水，拼盤包括滷水鵝，滷水豬腩片，滷水大腸，紅腸。鹹香美味。

椒鹽九肚魚
九肚魚外層酥脆，一入口即溶，椒鹽鮮香，好食

金沙芋條焗海蝦
鹹蛋黃鹹香包裹住每一隻海蝦，海蝦唔算大，食得好方便，連蝦殼都炸得好脆。芋頭條包滿鹹蛋黃，好邪惡，好味。

蠔仔肉碎粥
好鮮香，蠔仔份量唔少，比得一啲都唔手軟，唔覺唔覺就食晒一碗。

上菜速度好快，10分鐘都唔使就嚟齊。