金色不如帰 (H Zentre)

营业中

休息中

同家姐望到餐牌上面有推介新品 1)螃蟹湯拉麵拉麵有:蟹肉醬、火箭菜、酸奶油、鮮蟹油、蟹湯、京蔥、慢煮叉燒。廚師將叉燒切薄片，非常之好，咁就唔會搶左螃蟹嘅鮮味，佢嘅蟹湯真心好正。2)黃金蟹肉餃子入面好多蟹肉，但食落一d都唔覺得膩，加入埋豚肉就更有咬口。另外叫咗一款3)貝汁醬油拉麵煙韌嘅麵條彈牙，豚肉片夠入味，飲到湯底微咸帶甜，還有自家製醬料黑松露醬及牛肝菌醬，配搭好食值得一試。4)唐揚博多華味鳥(炸雞)炸過嘅雞肉還是柔軟多汁，炸雞配上蜜糖芥末醬，都幾開胃。飲品5)一杯完熟白桃梳打汽水好清新，我鐘意。6)一杯信州巨峰梳打汽水呢款巨峰唔太甜，好飲顏色又靚。