喜滿樓菜館

营业中

休息中

呢間係土瓜灣特色手工中菜館，有好多款小炒，睇到餐牌唔知點什麼。樓面哥哥有禮貌客氣介紹幾個招牌熱門菜式。最出色招牌就係芝麻雞，雞皮掛滿芝麻雞，香脆味鮮香口，皮薄肉嫩有肉汁，芝麻香氣十足，送上一碟芝麻醬更加豐富味蕾。深井有燒鵝、沙田有乳鴿、益新有琵琶鴨、呢度有芝麻雞，值得一試。另一個推介蜜椒鱔球鱔球切得夠厚身，炸得好脆口，有一陣薄薄嘅蜜糖面，咬落去後係仍然保持肉汁嘅鱔肉，鱔肉亦十分彈牙，加上微微嘅黑胡椒粒，口感層次豐富，最正係鱔球已去骨，功夫心機出齊。仲叫了其他鑊氣小炒有椒鹽鮮魷用新鮮鮮魷、孜然腰果牛柳粒夠惹味、黃金蝦球、咸魚煎肉餅，唔詳細講了，樣樣都好食，甚有驚喜。