稻田食堂

营业中

休息中

放工經過依間稻田食堂，d嘢食幾多選擇，同朋友見到有啲便當幾啱心水，就入咗去坐低食夜晚啦。朋友叫咗份迷你三色丼配麵豉湯，有一個魚生丼飯同一個鰻魚丼飯。整體都好食，鰻魚燒得好香口，肉質軟滑，冇乜骨，易入口。飯餸比例亦都合適，性價比好高。魚生好新鮮，份量足夠。我就叫咗鹿屋便當，見佢又有鰻魚又有鯖魚又有魚生，一次過滿足晒三個願望，另外仲有幾片豬頸肉。佢有得俾我揀咖喱汁或者燒汁，咁我就揀咗咖喱汁。便當另外有螺肉作為配菜。我哋另外都叫咗一份辣汁燒三文魚加州卷，幾惹味，燒三文魚好香，入口即溶，好食。整體嚟講，我覺得呢間稻田食堂嘅便當味道幾好，同埋有好多選擇，勁多款唔同便當，食物份量足夠又飽肚，性價比高。