稻田食堂

📍 稻田食堂 (葵芳)葵芳仁芳街2-14號美豐大廈地下6號舖🐟 蒜香牛油比目魚扒丼便當比目魚煎到外脆內嫩，蒜香牛油好惹味，蟹棒都夠厚肉，配埋和風燒汁飯好夾，三文魚味噌湯暖笠笠，小食又有誠意，成個便當好滿足！🐠 炙。三味魚丼便當三款魚炙燒得啱啱好，油香撲鼻，魚肉鮮甜唔腥，茶碗蒸滑到好似布甸咁，螺肉清新解膩，食完有種高級日式料理嘅感覺。🍛 伊賀便當咖哩香濃唔辣，飯粒分明好掛汁，加州卷啖啖蟹籽好爆口，另外豬頸肉消到脆邊夠惹味。食完真係好滿足😋😋😋回頭: Yesyesyes!!!每樣食物都好有誠意😆😆好好食😍😍而且選擇又多…查看更多

今一去咗葵芳一間日本小店，聽聞佢哋嘅刺身丼好正，於是約埋朋友一齊去試下！今次我哋叫咗自選4款刺身丼，仲有北海角切雜錦魚生丼，另外加咗一份粒粒蟹籽加州卷（6件），真係食到好滿足！餐廳非常適合同朋友聚餐或者一個人靜靜享受美食。服務員態度友善，落單時快手快腳，仲會介紹啲人氣菜式，真係幾有心。### 自選4款刺身丼首先上嚟嘅係自選4款刺身丼，入面有壽司醋飯、三文魚（2件）、油甘魚（2件）、帶子同北寄貝。醋飯煮得剛剛好，酸酸甜甜，搭配上新鮮嘅刺身，真係一個完美嘅組合！三文魚肉質滑嫩，鮮甜可口，油甘魚則更加豐富，肉質厚實，吃落去超滿足。帶子新鮮，質感滑潤，北寄貝更加驚喜，海味十足，食完真係意猶未盡！### 北海角切雜錦魚生丼再嚟就係北海角切雜錦魚生丼，呢碗丼真係好正！雜錦魚生新鮮，選材豐富，搭配上醋飯，整體味道一流。特別係湯底，味道清爽，完全唔油膩，飲落去好舒服，特別適合呢個季節，真係一個好選擇！### 粒粒蟹籽加州卷最後我哋叫咗一份粒粒蟹籽加州卷（6件）。呢個加州卷外脆內滑，蟹籽味道鮮明，食落去口感豐富，每一口都充滿驚喜！搭配上醋飯，真係一個絕配，特別係食咗咁多刺身之後，呢個卷就係一個完美嘅收尾！整體而言，呢間葵芳嘅日本小店真係一個值得推介嘅地方，刺身新鮮，環境舒適，服務周到。無論係自選刺身丼定北海角切雜錦魚生丼都好好味，價錢亦算合理！…查看更多

最近我去咗葵芳一間日本小店，聽聞佢哋嘅便當好好味，於是約埋朋友去試下！今次我哋叫咗一份伊質便當同一份薩摩便當，真係唔會後悔！一入到呢間小店，環境幾靜謐，裝修簡單又有日式韻味，燈光柔和，令人感覺好舒服。座位方面雖然唔算多，但間隔得宜，唔會擠迫，非常適合同朋友聚餐或者一個人靜靜享受美食。服務員態度友善，落單時好有耐心，仲會介紹啲人氣菜式，真係幾有心。### 伊質便當首先上嚟嘅係伊質便當，入面有咖哩飯、豬頸肉、比目魚柳同埋三件粒粒蟹籽加州卷。咖哩飯嘅味道濃郁，米飯煮得啱啱好，搭配上咖哩，食落去好開心。而豬頸肉就真係唔可以錯過，肉質嫩滑，味道香醇，真係一口接一口。而比目魚柳就更加驚喜，魚肉鮮嫩，搭配上少少調味，簡單卻令人滿足。至於粒粒蟹籽加州卷，蟹籽味道鮮明，口感滑順，真係一個唔錯嘅配搭！### 薩摩便當接住就係薩摩便當，入面有安格斯牛、咖哩飯、三文魚壽司兩件，仲可以加10蚊有兩串燒雞肉串。安格斯牛切得厚厚一片，肉質滑嫩，味道香濃，搭配上咖哩飯，真係好完美！三文魚壽司新鮮，魚肉滑嫩，飯粒亦煮得好好，整體口感一流。而燒雞肉串就係一個驚喜，外脆內嫩，味道香濃，真係好配飯！雖然今次冇叫特別嘅飲品，但店內提供嘅玄米茶都幾好，飲落去清新解膩，特別係食咗咁多肉類，飲啲清茶都幾好。整體而言，呢間荃灣嘅日本小店真係一個值得推介嘅地方，便當選擇多樣，味道正宗，環境舒適，服務周到。無論係伊質便當定薩摩便當都好好味，價錢亦算合理！我下次一定會再返嚟，試下其他菜式，真係好期待！如果你想搵個地方食午餐或者晚餐，係一個好選擇！…查看更多

呢間隱藏喺街角嘅日式餐廳真係一個驚喜 今晚同朋友一齊去試，環境同食物都令我好滿意 餐廳門面用咗木質設計，門口嘅燈光同海報好吸引人 一入去就感受到濃厚嘅和風氣氛，木枱同日式裝飾好有心思 坐低即刻放鬆咗心情 😌餐牌選擇好多，從套餐同便當應有盡有，仲有自選選項，性價比高 無論你想點配搭都得，彈性非常高我哋今次點咗好多好食嘅菜式 超級人氣自選便當係一大亮點 便當有手羽先、刺身（三文魚、帶子、蝦）、風味螺、和風燒汁白飯同麵豉湯，份量十足，擺盤又靚 食落去新鮮又好味，特別係刺身同燒汁白飯嘅組合，令人回味 醬燒芝士三文魚壽司同脆爆吉列一口豬都好正 壽司嘅芝士同三文魚配搭好夾擺盤有心思，食落好味啲一口豚外脆內嫩，咬落去有滿足感 ，淡淡都係肉芝士醬好香濃，配埋一口豚真係食到停唔到口，芝士醬少少酸甜好開胃柚子蜜清新解膩，水準正常仲有福岡濃厚抹茶蛋糕做甜品 抹茶味濃郁，口感軟滑，真係完美收尾 餐廳服務員態度友善，落單同上菜速度都快 適合同朋友聚會或者一個人輕鬆食飯 如果鍾意日式料理，呢間餐廳真係值得一試 ，下次可能會試吓海鮮丼或者壽司拼盤，期待再有新驚喜 …查看更多

喺公司附近同同事搵到一間日式餐廳，點咗一個自選6款壽司丼同一個沖繩便當，適合快餐式嘅工作日午餐。自選6款壽司丼（$158） 呢個自選壽司丼可以自由配搭6款刺身，選擇有彈性，點咗油甘魚、三文魚、三文魚腩、赤身、珍寶海蝦同松葉蟹膏，仲送一碗三文魚味增湯。 魚生OK，松葉蟹膏味道濃郁，略為腥但配飯食好match，增添豪華感。 送嘅三文魚味增湯暖胃又鮮甜，三文魚碎同味增湯底好夾，簡單但有誠意。$158嘅價錢喺市區來講算正常，唔算特別平，但份量對得住價錢。沖繩便當 沖繩便當内容豐富，包含吉列千層芝士豬扒、金菇肥牛卷、咖喱飯同一個刺身拼盤（三文魚、帶子、甜蝦）z 吉列千層芝士豬扒外層炸得金黃酥脆，應該係五花腩肉包埋芝士，小油膩。 金菇肥牛卷正常發揮。 咖喱飯，雖然唔係主角，但味道穩陣。 刺身拼盤：三文魚，甜蝦和帶子。呢間日式餐廳選擇多樣，適合同同事喺午餐時間chill一chill。…查看更多

葵芳稻田食堂是一家充滿日式氣氛的餐廳，提供多樣化的美食體驗。這裡的海鮮刺身丼令人印象深刻，鮮嫩的油甘魚刺身搭配香甜的帶子，色澤誘人，口感更是鮮美。碗中的金黃色花朵不僅美觀，還增添了食物的精緻感。價格也很是相宜，四款自選刺身都係Hkd 97。此外，餐廳的芝士炸豬排便當也相當受歡迎，外脆內嫩，搭配清爽的沙拉，讓人回味無窮。海帶蘿蔔三文魚味噌清淡口味完美平衡了整體的餐點，讓人感到輕盈。飲品方面，咸零七氣泡水的清新感為餐點增添了爽口的層次，適合搭配各式料理。服務人員親切熱情，環境舒適，讓人感到放鬆。總的來說，葵芳稻田食堂是一個值得再訪的地方，無論是食材的新鮮度還是餐廳的氛圍都讓人感到滿意。性價比高的餐點更是吸引了眾多食客，是享受美食的理想選擇。…查看更多

放工唔想煮飯，經過見到呢間外賣小店，主打日式家庭風便當，即叫即製熱辣辣，性價比高過連鎖店，簡直係外賣恩物🍱！🎏 明古居便當豐富到嚇親！一盒有齊：鰻魚：軟淋唔腥，燒汁甜香夠入味鯖魚：鹽燒皮脆，魚油香唔會過鹹三文魚壽司兩件：醋飯唔會散，三文魚夠鮮無雪味配上和風燒汁飯底，每一啖都好滿足🐮 鹽燒安格斯封門柳厚燒玉子丼肉食獸之選！安格斯封門柳牛味濃🐂，燒到五成熟嫩口唔韌，味無論係聞落定食落都勁香，厚燒玉子甜滑有層次，同樣係燒汁飯底，一啲都唔會dry🍰 濃厚抹茶蛋糕意外驚喜！抹茶味甘濃唔死甜，蛋糕質地濕潤，食落好有軟身有口感，食完一啖又一啖完全停唔到落黎，唔錯！埋單total每人$100左右，食到咁豐富既便當，抵！…查看更多

位於葵芳的這家日本菜專門店，為食客帶來舒適愜意的用餐體驗。店內環境雅緻整潔，營造出放鬆的氛圍，是忙碌後好好享用一餐的理想選擇。服務員態度親切有禮，上菜節奏拿捏得恰到好處，既不會久候，亦不會感到倉促，讓用餐過程流暢舒心。唯一美中不足是店內的外賣提示機聲響略為明顯，若能調低音量，整體寧靜感將更上一層樓。說到食物，店家有兩道海鮮菜式絕對是「必點之選」，令人回味無窮：照燒原隻燒魷魚魷： 這道菜可謂誠意十足！原隻魷魚經炭火或爐火悉心烤製，外層完美裹上濃郁甘香的照燒醬汁，在高溫下形成誘人的焦脆光澤。入口先是微甜的醬香，緊接著是魷魚肉質的鮮美彈牙，炭烤香氣與照燒的鹹鮮完美融合，口感層次豐富，是視覺與味覺的雙重享受。火候控制得宜，魷魚保持多汁不乾柴，盡顯師傅功架。蟹味噌甲羅燒： 蟹迷絕不能錯過！將滿載蟹膏（味噌）與蟹肉的蟹蓋，置於小火爐上細烤。看著橙紅的蟹膏咕嘟冒泡，香氣四溢，已是極大誘惑。蟹膏濃郁醇厚，鹹鮮中帶甘甜，蟹肉的鮮味點綴其中。建議配以脆餅或直接小口品嚐，每一勺都是濃縮的大海精華，甘香滿溢，齒頰留香，盡顯日式風情。至於 咖喱飯，雖非味道不佳，但個人認為其調味偏向甜口，與預期中日式咖喱的濃郁辛香或鹹鮮風味略有不同。若偏好傳統日式咖喱的風味，此款可能稍欠預期的衝擊力。此外，建議店家可稍減咖喱飯的份量，精緻的擺盤與適量的呈現，往往更能提升菜式的觀感與食客的食慾，避免因份量過大而影響後續品嚐其他佳餚的興致。整體而言，這家葵芳日本菜專門店在環境、服務與招牌海鮮料理上表現出色，尤其是「照燒原隻燒魷魚魷」和「蟹味噌甲羅燒」，絕對值得專程一試，是區內品嚐優質日式海鮮燒物的鮮味燈塔。…查看更多

今日我黎到葵涌食稻田食堂，外觀雖然好平民，但係食物真係令我驚喜，食到好開心！首先，我地叫左個名古屋便當，呢個便當真係超級豐富！裡面有三文魚壽司、燒鯖魚、蒲燒鰻魚同埋咖哩飯，每一樣都好出色。三文魚壽司好新鮮，有口感，燒鯖魚味道香濃，肉質鮮美，蒲燒鰻魚個汁少少甜，而家鰻魚好肥美，食落去油脂爆出黎，好高質，便當仲跟埋咖哩飯，個份量係超跨張，起碼有兩碗飯，唔使怕唔夠食另外我地都叫左角切魚生飯，呢到既魚生都好新鮮，角切都切得幾厚，好有口感，而且魚生既份量都好多，好抵食最後我地仲叫左個胡麻冷烏冬，呢道菜好清新！烏冬麵條煮得啱啱好，滑滑既口感，而且好彈牙，撈埋香濃既胡麻醬，味道非常獨特。而且仲跟左一個蟹子蟹柳沙律，係夏天食落去好開胃，係夏天嘅好選擇整體來講，唔好睇呢到鋪仔細細，食材新鮮，味道正宗，而且份量又夠大份，真係好有驚喜，絕對值得再黎食…查看更多

## 食評：葵芳日式小店午餐體驗今次同媽媽去葵芳嘅一間日式小店食午飯，真係好滿意！### 食物評價1. **花之戀 魚生**： - 魚生新鮮，份量頗大，三文魚、帶子都切得厚，食落去特別滑順，真係好值得一試。2. **特選三色丼**： - 內有三文魚、帶子及蟹子，份量亦好大，魚生質素高，真係食到好滿足。3. **沖繩便當**： - 需要等候一段時間，因為即時烹飪，但等得值得，吉列千層芝心豬扒熱辣辣，厚切有流心，真係好美味。飯量超多，完全可以飽足。### 環境評價- 餐廳環境小巧而舒適，冷氣足夠，讓人可以輕鬆享受午餐。牆上仲有啲藝術作品，增添咗氛圍。### 總體評價整體來講，呢間小店性價比高，食物質素高，份量足，真係令人好滿足！下次再帶埋其他朋友一齊來享受美食！…查看更多

今日同朋友嚟到稻田食堂食個超豐富日式午餐，真心有驚喜，好多款式一次過滿足晒😆🍣三色刺身拼盤 ($88)厚切三文魚油脂分布靚到閃，入口滑得黎有啲微微油香；油甘魚厚肉又夠爽，啖啖鮮甜；甜蝦仲要超大隻，好彈牙，咬落去有股甘甜味，好清新。底下啲碎冰keep住新鮮感，打卡都幾靚。🥩炭香燒牛肉（$58）呢個係額外單點嘅重頭戲，牛肉燒到外層帶微焦香味，切到厚厚一塊，肉心粉嫩，咬落juicy到流汁，肉味好實在又唔會韌。🍱和歌山便當 ($80)便當入面最吸引我係鹽燒鯖魚，魚皮煎到脆卜卜，魚肉嫩滑又有啲淡淡鹽香，擠少少檸檬汁就更鮮味。旁邊燉豬軟骨啲肉好入味，鹹香又啖啖肉，好有滿足感🍜轉黑蒜油豬骨湯烏冬 (+$13)湯底香濃夠厚身，黑蒜香撲鼻，飲落帶少少甘味，飲完口腔都留住香氣。烏冬滑溜彈牙，啱晒我口味…查看更多

今日同朋友仔去葵芳行街順便搵嘢食，見到呢間食便當好似幾豐富，就去試吓七點入到去人流都好多，幾乎滿座，咁我哋就叫咗一個沖繩便當，一個特選五色丼，有三文魚，北寄貝，帶子，赤蝦，海膽，另外仲叫咗個北寄貝壽司同埋火炙三文魚壽司沖繩便當入面包括吉列千層芝心豬扒、汁燒金菇牛肉卷、味付螺肉、咖哩飯同三種刺身，三文魚帶子甜蝦，另外簡左杯特飲荔枝椰果梳打，成個便當好豐富，由前菜到主食總共五個格仔，好滿足😌而且佢個豬扒都幾好食，先$98，真係物超所值而特選五色丼包括咗一個三文魚味噌湯，加埋佢五種刺身，好夠飽，而且三文魚都好新鮮😆我地仲加左兩碟壽司，性價比好高😊估唔到葵芳仲有啲小店😆…查看更多

餐廳規模唔算好大，但踏入晚市好快坐滿曬人，估唔到咁受歡迎🤣🤣裝修都幾特別，牆上掛咗好多動漫相~餐牌超級多選擇！！大部分日式料理都可以係到食到，除咗有一系列壽司、刺身、烏冬等，仲有多款冷盤、小食同便當😋😋😋黑松露帶子加州卷（4件） $55黑松露超級香，而且份量唔少，加洲卷頂嘅帶子好鮮甜，入面嘅材料好新鮮，青瓜特別爽脆👍🏻👍🏻👍🏻靜岡辣油燒三文魚加州卷（3件） $42推薦！！靜岡辣油估唔到咁出色，同燒三文魚好夾，配搭埋加洲卷同沙律醬，口感好豐富好好食😍😍😍薩摩便當 $108便當好抵食！有鹽燒安格斯封門柳、七味燒豬頸肉、粒粒蟹籽加州卷3件同味付螺肉，封門柳肉質偏嫩，豬頸肉燒得好香~唐揚魷魚鬚 $48好大份🤣🤣🤣估唔到咁足料，魷魚鬚好大條，炸到好香好脆！…查看更多

放假同媽咪去葵芳街市買餸, 順道係附近食個lunch。經過呢間餐廳門口, 見menu上有唔少便當、丼飯, 款式吸引, 價錢唔貴, 就入咗去食個lunch。餐廳地方企理。黑松露三文魚壽司:三文魚壽司上以黑松露點驟, 魚香中帶點松露清香, 不錯。沖繩便當:便當款式豐富而且份量多!吉列千層芝士豬扒, 吉列皮香脆, 入面卷住嘅豚肉片嫩滑, 沾咗熱溶了嘅芝士汁, 更為香甜, 帶出鮮肉味。汁燒金菇牛肉表面煎得帶少少焦香, 肉汁滲於包住嘅金菇入面, 口感層次豐富又富有肉香, 正!自選了咖哩飯, 個咖哩甜甜地, 咖哩味好重, 撈飯食超正!便當配有味噌螺肉同埋三款刺身各二, 包括有三文魚、帶子、甜蝦, 每款都好新鮮冇腥味。套餐 +$24 追加唐揚魷魚鬚:估唔到追加嘅份量都咁多, 炸皮薄而酥脆, 魷魚鬚爽口彈牙, 配千島醬食, 味道更提升。特選三色丼: 集合了三文魚、蟹籽同埋帆立貝嘅刺身丼飯, 帆立貝鮮甜, 將蟹籽混入珍珠米飯食, 每啖更鮮味更有口感層次; 套餐更附有口感滑嫩、味道鮮美嘅茶碗蒸同埋小食味付螺肉。…查看更多

今日收工同朋友特登去咗葵芳嘅稻田食堂，好耐冇食，水準依然保持到！餐廳雖然唔大，但氣氛 cozy，侍應雖然忙到踢晒腳，但態度友善，上菜速度合理，值得一讚。 **黑松露帶子加州卷**（4件） 黑松露香氣突出，帶子鮮甜，醋飯比例剛好，入口層次豐富，係必點之選！ **照燒雞扒蕃茄濃湯烏冬** 雞扒燒得香脆，照燒汁甜度適中，蕃茄湯底濃郁帶微酸，烏冬掛湯力強，開胃又飽足。 **阿久根便當** 最驚喜係呢個拼盤！名古屋芝麻雞翼外脆內嫩，薩摩流心芝士魚餅一咬爆漿，日式圓蔥魚餅香甜彈牙，味付螺肉爽口惹味， 冇要咖喱飯+$13轉咗**黑蒜油豬骨湯拉麵，湯底蒜香濃郁而不膩，拉麵爽口，每款小食都高質，抵食之選。 整體而言，稻田食堂性價比高，味道同服務都保持水準，下次去葵芳區一定會再encore～…查看更多