香江花月 (荃灣廣場)

营业中

休息中

今日朋友想食靚靚火鍋。 我哋去到荃灣廣場6樓，香江花月嘅地方打邊爐。一入去已經見佢嘅佈置好特別，好精緻，地方闊落。侍應帶我哋去到一個好舒服嘅位置。 我哋睇咗餐牌，見到有好多好靚嘅食物。 美顏花膠雞窩店員提我哋要先飲湯，個湯真係好濃郁，好好飲。 而且入邊有好多花膠， 足足半隻雞，店員好細心幫我哋拎去剪開，等我哋容易啲食。 呢啲服務真係要加分。花滿園係一個架上面有三種唔同嘅肉，分別係牛，羊， 豬， 都係擺得好精緻，而且各樣肉類都好好味。七彩餃子喺一個架上面放咗唔同顏色嘅餃子， 賣相100分。 每隻餃子嘅餡都係唔同嘅，啱晒花心嘅我。花之都， 千語錄係兩杯好靚嘅飲品。 佢特別在生果係雪了冰，然後在杯內慢慢融化。整體嚟講，係一間好靚嘅餐廳， 食物亦相當好味。服務員態度良好，地點亦近西鐵站。