影片
更多
2023-03-13
77 浏览
以前食過荃灣個間，知道係自家製品牌，今次知道旺角都開咗就嚟試下～點心、小菜、粉麵，連川菜都有得食！師傅曾任米芝蓮酒店主管，難怪有咁高嘅質素～所有點心現場即點即做，落單到上菜大約等咗15－20分鐘，先來嘅係香脆蘿蔔腸，薄薄嘅腸粉皮包住蘿蔔絲酥餅，好香口！欖角醬燒骨，一客份量都幾多，送飯一流，味道好香濃，面頭帶點甜甜嘅醬汁，燒骨炸得香脆乾身薑蔥班頭腩煲，呢度嘅鑊氣小炒大約要等半小時～瓦煲好熱，上菜時夠晒鑊氣。班頭腩先炸後炒，同埋啲薑蔥一齊好惹味，啖啖肉！薑蔥一啲都唔吝嗇，就咁食都好滋味！啫啫生菜煲，同樣係鑊氣小炒，蝦醬味香濃唔會好咸，最怕食到嘅啫啫生菜煲係又咸又多汁，相反呢度就唔會，瓦煲又燒得夠熱～甜品方面，焦糖燉蛋凍食，Cream 味好重，如果唔鍾意食好rich cream嘅朋友仔未必鍾意，食落味道唔算好甜～麻蓉煎堆仔，原本以係麻蓉，但最後原來係黑芝麻，整體甜品都唔係好甜！
點心、小菜、粉麵，連川菜都有得食！師傅曾任米芝蓮酒店主管，難怪有咁高嘅質素～
所有點心現場即點即做，落單到上菜大約等咗15－20分鐘，先來嘅係香脆蘿蔔腸，薄薄嘅腸粉皮包住蘿蔔絲酥餅，好香口！
欖角醬燒骨，一客份量都幾多，送飯一流，味道好香濃，面頭帶點甜甜嘅醬汁，燒骨炸得香脆乾身
薑蔥班頭腩煲，呢度嘅鑊氣小炒大約要等半小時～瓦煲好熱，上菜時夠晒鑊氣。班頭腩先炸後炒，同埋啲薑蔥一齊好惹味，啖啖肉！薑蔥一啲都唔吝嗇，就咁食都好滋味！
啫啫生菜煲，同樣係鑊氣小炒，蝦醬味香濃唔會好咸，最怕食到嘅啫啫生菜煲係又咸又多汁，相反呢度就唔會，瓦煲又燒得夠熱～
甜品方面，焦糖燉蛋凍食，Cream 味好重，如果唔鍾意食好rich cream嘅朋友仔未必鍾意，食落味道唔算好甜～
麻蓉煎堆仔，原本以係麻蓉，但最後原來係黑芝麻，整體甜品都唔係好甜！
张贴
