荃灣海濱旁Odelice 法式晚餐，氣氛超正。餐廳位於OP Mall一樓，裝修走法式休閒小酒館風格，感覺好Chill。室內設計用上黑白花瓷磚、法國街景掛畫，再加上木桌同藤椅，牆邊擺滿紅白酒，溫馨又浪漫。
二人set dinner，頭盤係蟹肉濃湯配酸種麵包和蒜味醬，蟹湯入口香濃好有層次，湯底鮮味。酸種麵包外脆內軟，搽埋Rouille好開胃。
大閘蟹馬賽魚鍋，馬賽魚鍋選用時令大閘蟹，大閘蟹非常高質，多膏又肥美，配上青口，盲鰽魚，豐富又美味。
蟹肉燴飯，魷魚八爪魚香炒底料，蟹皇濃湯汁相當吸引！Risotto飯粒煙靱但唔會硬，吸收晒蟹膏嘅精華，帶少少忌廉同龍蝦汁。
薑味雪糕，味道清爽又帶有薑嘅辛辣，中和返主菜嘅濃味，口感順滑有驚喜。
江南暖薑酒 （熱）用咗花雕酒，薑酒，黑糖，薑片，話梅
上海薑泡 （冷）用咗花雕酒，薑酒，黑糖，青檸汁，薑片，梳打水。
好特色，配合主題，法式蟹意，非常浪漫。
