Odelice! (海之戀商場)

😋 新出鐵塔套餐打卡一流@ 🌟 Odelice! 🌟.💁‍♀️ 圖中展示美食為：鐵塔海陸雙人套餐 HKD 998Pistachio Royale HKD 75Melon Silk HKD 75.👽 今次食咗新出嘅「鐵塔海陸雙人套餐」，一個價錢有起頭盤、牛扒、青口、甜品！好豐富，尤其鐵塔打卡一流！.🗼 頭盤係成個鐵塔咁上檯，個名叫「巴黎前奏」好貼切。頂層係多款西班牙風乾火腿，鹹香柔軟。下一層有炸白汁三文魚球外脆內流心、迷你蛋批、同吞拿魚撻，精緻得嚟又好味，未食主菜已經半飽。.🐮 主菜「澳洲牛胸腹扒」肉味濃到癲，厚身大份。燒到完美粉紅色，巴黎牛油汁香滑濃郁，配埋脆脆燒薯粒同新鮮火箭菜好豐富。.🐚 另外有一大兜「法式煮青口」，用成個鐵鍋上檯。白酒牛油香草汁煮青口，仲配上薯條，邪惡到停唔到口。.🔥 甜品係「火焰橙酒可麗餅」，店員即場點火超吸睛！橙酒香氣撲鼻，可麗餅吸滿橙香焦糖汁，配雲呢拿雪糕冰火交融，視覺味覺雙重享受！.🍹 飲品好多選擇，「Pistachio Royale」開心果醬濃郁唔假甜，脆片增加口感，植物奶底清爽唔膩，堅果控一定會愛上。「Melon Silk」呢個組合好驚喜！哈密瓜同豆腐打成果泥，白朱古力糖漿帶出甜香，椰子水清新平衡，飲落似融化緊嘅蜜瓜奶凍，好適合夏天！.😋 真係好鍾意呢間法式小餐館，坐得好舒服，嘢食多選擇，服務又好，絕對值得試吓。.📍 荃灣大河道100號海之戀商場1樓1002號舖.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…查看更多

近排去咗一間好有情調嘅法式餐廳，點咗佢哋嘅「鐵塔」海陸雙人套餐，簡直係一場味蕾同視覺嘅盛宴！由頭盤到甜品，每道菜都好似喺巴黎街頭嘅小餐館食飯咁，浪漫得來又好滿足！忌廉餐湯及酸種麵包一開始上桌嘅忌廉餐湯真是一個好溫暖嘅開場！湯濃而不膩，入口好滑，帶住一陣好香嘅奶香同淡淡嘅菇味，飲落暖笠笠，超級舒服。配搭嗰個酸種麵包更加係亮點，麵包外脆內軟，酸酸地好開胃，搽咗少少牛油，咬落去仲有陣陣酵母香，簡直係完美嘅前奏！巴黎前奏跟住上嘅「巴黎前奏」係一個超豐富嘅前菜拼盤，盤上五顏六色，西班牙風乾火腿入口鹹香，肉質軟腍，帶點嚼勁；辣味意式腸就夠晒惹味，微辣嘅口感好過癮；法式火腿就比較清新，油脂感唔重。炸白汁三文魚球外層金黃酥脆，內裏魚肉嫩滑，蘸啲醬汁好正！煙三文魚同迷你蛋批都好精緻，蛋批蛋香濃郁，入口即化；吞拿魚撻就清新開胃，酸酸甜甜嘅味道好平衡。呢個拼盤真是一個好豐富嘅開場，樣樣都啱晒我哋嘅口味！阿根廷安格斯肉眼牛扒燒薯粒，火箭菜，巴黎牛油汁牛扒燒得啱啱好，我哋點咗五成熟，切開仲有粉紅色嘅肉汁，肉質嫩到不得了，入口即化，牛味好濃！配上巴黎牛油汁，嗰陣香濃嘅牛油同香草味滲入牛扒，簡直係天作之合！旁邊嘅燒薯粒香脆可口，火箭菜嘅微苦同清新感中和咗牛扒嘅油膩，食完完全唔覺得膩滯法式煮青口 500克（白酒牛油香草湯汁，配薯條）法式煮青口，份量好夠！一盤滿滿嘅青口，隻隻都好新鮮，肉質肥美，唔會乾爭爭。白酒牛油香草湯汁係靈魂所在，湯汁香濃得黎帶點酒香同蒜香，飲一啖好似將整個法國海邊嘅味道飲咗落去！薯條炸得金黃酥脆，拎嚟點湯汁食火焰橙酒可麗餅甜品係火焰橙酒可麗餅，喺我哋面前即席點火，橙酒嘅香氣同火焰嘅視覺效果真係好有氣氛！可麗餅薄身又軟熟，橙酒嘅微酸同甜味滲透入去，每一啖都係甜中帶酸嘅享受，食完好似仲聞到橙嘅清香，完美ending！開心果Mocktail 同 Blackcurrant Colada飲品方面，開心果Mocktail真是一個驚喜！開心果醬同雲呢拿糖漿混搭出好濃郁嘅堅果香，配上酥脆嘅卡塔菲絲同忌廉，口感好豐富，植物奶令到整體唔會太甜，飲落好順。Blackcurrant Colada就比較有夏日風情，白朗姆酒同黑醋栗果酒嘅酸甜好平衡，椰奶加咗陣陣熱帶風味，波羅嘅清新感仲幫手提味，飲完好似去咗個短暫嘅海灘假期！呢個「鐵塔」海陸雙人套餐真係物超所值，由頭盤到甜品，每道菜都好有心思，味道同擺盤都充滿法式浪漫嘅feel。服務員態度好好，環境又夠優雅，食完真係有種置身巴黎嘅感覺！如果想同另一半或者好朋友嚟個浪漫又滿足嘅晚餐，呢個套餐絕對係唔二之選！…查看更多

今次我地帶埋BB黎荃灣行下海之戀呢邊，又行下Donki，又去下海濱行下咁，當然唔少得係度食埋隻啦，呢間Odelice!之前食過都覺得幾好，今次又再黎食啦😄佢地既Brunch Set包曬有頭盤，主菜同飲品，價錢就係主菜度反映，環境都幾舒服，假期都好多人黎食，我地去到都要等左陣位😗頭盤炸白汁三文魚球呢個炸三文魚球有2粒，有外脆內軟既口感，同埋個餡有白汁令到佢唔會太乾🐟蟹肉他他（+ $30）呢個蟹肉他他個底係一層牛油果蓉，同個蟹肉好夾，每一啖都有沙抄律既新鮮感覺🦀🥑三文魚班尼迪克蛋牛角包（$155）呢個班尼迪蛋包好有歐陸風味，個包面佈滿大量既荷蘭醬汁，再加上個水波蛋既蛋汁，勁飽滿既感覺，牛角包上都有搽上一層牛油果，真係每一啖都享有多重口感🥐🥑🥚紅酒燉牛面頰意粉（$145）呢個意粉既醬汁係比較杰，2件牛面頰似整得好淋，肉質嫩口，有d入口即溶既口感，件牛係幾出色🐮🍝開心果焦糖燉蛋（$38）開心果焦糖燉蛋都好大份，size差唔多係個餐湯碗咁上下，個燉蛋整得滑得黎又帶點creamy既感覺，仲有香濃既開心果味☺️抹茶青蘋果特飲（+$20）佢個感覺既清新，我感覺抹茶同青蘋果味唔係好夾，但佢就有種夏人凍飲令人飲完爽曬既feel🍹鮮奶咖啡（+$18）咖啡我覺得比接近有cafe既質素，個香滑程度都唔錯，仲有跟塊餅一齊☕️呢間餐廳個brunch set我覺得都幾好，飲品其實唔加錢都包茶，咖啡等既普通餐飲，食物同環境就真係好好，飲品轉特飲唔算高性價比，可能留黎加個甜品會正d😉…查看更多

✨ 𝓕𝓻𝓮𝓷𝓬𝓱 𝓢𝓽𝓮𝓪𝓴 𝓣𝓪𝓻𝓽𝓪𝓻𝓮 𝟕𝟎𝓰法國生牛肉他他牛肉口感軟嫩有彈性，肉味比較濃郁，質感細膩！夾埋吐司一齊食，口感一流。仔仔第一次食都大讚好食👏🏻👏🏻👏🏻✨ 𝓒𝓻𝓪𝓫 𝓣𝓪𝓻𝓽𝓪𝓻𝓮 𝟕𝟎𝓰蟹肉他他牛油果控不能抗拒的！！！下層係超𝓒𝓻𝓮𝓪𝓶𝔂牛油果醬，鋪滿了滿滿的新鮮蟹肉，食落口好滿足😌✨ 𝓕𝓻𝓮𝓷𝓬𝓱 𝓯𝓻𝓲𝓮𝓼, 𝓬𝓻𝓮𝓪𝓶𝔂 𝓳𝓾𝓼 𝓻𝓮𝓭𝓾𝓬𝓽𝓲𝓸𝓷阿根廷安格斯肉眼牛扒 肉眼扒我地叫左五成熟，切開呈粉嫩顏色，口感柔軟𝓳𝓾𝓲𝓬𝔂，肉味亦十分濃郁，好食！✨𝓒𝓪𝓻𝓫𝓸𝓷𝓪𝓻𝓪 𝓖𝓾𝓪𝓷𝓬𝓲𝓪𝓵𝓮 𝓢𝓹𝓪𝓰𝓱𝓮𝓽𝓽𝓲 風乾豬面頰”卡邦尼”意粉好耐無食過咁濃郁帶咸香的風乾豬面頰，再配上順滑奶油醬汁，真係會食到停唔到口✨餐飲凍檸茶和抹茶青蘋果特飲抹茶配青蘋果呢個組合好特別，估唔到飲落又出奇地夾喎，清新又解膩今餐又同仔仔食到棒住個肚走人😅😅…查看更多

早幾日同老公去咗荃灣海之戀商場行街，夜晚去咗呢間氣氛浪漫又舒服嘅西餐廳食晚餐。晚市二人套餐$558，可以揀頭盤或者甜品內兩款，加兩款主菜，自由配搭好啱老公同我兩個一齊分享品嚐，食完真係好滿足呀！🍽️🥰🍽️晚市二人套餐 $558🐮法國 Charolais 生牛肉他他生牛肉好香同滑嫩，帶有黃芥末嘅辣味，同香脆嘅多士一齊食，特別香口開胃！🧁開心果焦糖燉蛋焦糖燉蛋嘅質地好滑，食落好輕盈，仲有淡淡嘅開心果味，唔會太濃，食完都唔會膩！真心推介呀！🥩澳洲和牛牛脊肉 +$85
和牛牛脊肉質感軟腍，帶有濃郁嘅牛肉香氣，仲有鴨肝白蘭地醬汁提味，好有層次感！伴碟有爽脆嘅西蘭花苗、西斑牙紅椒同燒薯粒！燒薯粒份量多到好似個小山丘咁，焗得香脆可口，食完好飽肚啊！🦞龍蝦馬賽魚鍋 +$135有龍蝦、藍青口、大蝦、盲鰽魚同薯粒，搭配海鮮番茄醬汁，令味道加咗層次感！盲鰽魚煎得外皮香脆，魚肉厚身嫩滑，仲有啲彈牙感覺添！龍蝦同大蝦都好鮮甜，我最鍾意藍青口，雖然粒肉細細粒，但係非常新鮮鮮嫩！🥂Sparkling Brut, Cellier Léonard de Vinci, Méthode Traditionelle, Touraine AOC $80氣泡酒清爽又有氣泡，仲有啲甜甜嘅味道，好啱女仔飲。🍷Comtesse Roquefort, Bordeaux $90紅酒味道香醇濃郁，飲完令人心情放鬆。…查看更多

同閨蜜去海之戀商場搵食，發現咗呢間氛圍滿分嘅法式小館Odelice! 佢哋個二人set真係抵食到震，頭盤嘅法式蝸牛用香草牛油焗到香噴噴，肉質彈牙得嚟又入味。跟住個鵝肝鴨肉意大利粉更加係驚喜，濃郁鴨油香夾住嫩滑鵝肝，每條意粉都掛滿醬汁，食完成個口都係回甘～主菜炭燒牛柳叫咗medium，切開見到粉嫩肉心，外層焦香裡面肉汁爆棚，配埋佢哋特製醬汁真係絕配！餐湯同意大利麵包都做得用心，麵包外脆內軟點湯食一流。最正係兩杯特飲，Peach Sunrise睇得又飲得，Tropicolada冰沙口感清新，飲完成個人都涼爽晒！最後以法式泡芙作結，冰火交融嘅朱古力醬淋落雲尼拿雪糕泡芙，為呢頓飯畫上完美句號～…查看更多

幾鍾意呢間餐廳嘅裝修，藍白色為主，有格調又俾到人relax嘅感覺，似一間法式小餐館~晚餐揀咗兩個小碟加兩個主菜 (2A + 2B)，已經包咗餐湯同麵包，都幾豐富~🔘蟹肉牛油果他他賣相精緻，多蟹肉，蟹肉鮮甜，牛油果口感順滑，加咗檸檬汁特別清爽開胃~🔘法式烤黃雞呢晚嘅亮點，朋友覺得每個part都好好食，薯蓉非常綿密滑順，同松露野菌汁好夾，未開始食燒雞已經K.O.晒啲薯蓉，燒雞多汁，肉質嫩滑，雞皮香脆，推介~🔘阿根廷安格斯肉眼牛扒叫咗五成熟，切開肉質粉嫩，口感軟嫩，靚油花，簡單調味已經好好食~🔘火焰橙酒可麗餅講起法式甜點一定會諗起可麗餅，店員會即場燒一燒橙酒再淋上可麗餅，食到橙酒嘅餘韻，加咗橙皮絲作為點綴，餅皮柔軟，冰火交融~🔘Peach Sunrise🔘TropicoladaOrder晚餐可以八折加點Wine & Bar List嘅飲品，兩杯都試咗，自己鍾意Tropicolada多啲~…查看更多

不多去荃灣搵食, 故問AI 介紹, 再去 Openrice check 下D食評, 全都是正面, 因此, 就訂了這晚和幾個朋友共享晚餐, 第一次到此餐廳 , 整體感覺很好, 職員有禮, 食物質素中等以上, 價格亦親民 , AI 果然沒介紹錯 , 會再光顧!…查看更多

放假見到呢間餐廳嘅晚飯套餐$588，睇落都幾豐富就試下，而且環境非常之浪漫，燈光柔和。蟹肉牛油果他他底層的蕃茄酸甜清新，中間是牛油果的而上層的蟹肉，口感好Fresh，食完好開胃阿根廷安格斯肉眼牛扒裏面搭配薯條，而主菜的牛扒七成熟煎得好完美，表面煎得微焦，鎖住肉汁，再搭配巴黎牛油汁，再帶出牛的鮮味！法式烤黃雞內裡的雞肉則非常嫩滑且多汁。搭配的松露野菌醬汁香味濃郁，薯蓉的細膩口感與雞肉完美融合。火焰橙酒可麗餅橙酒的香氣濃郁配上甜甜地餅皮，都幾match！上面雲呢拿雪糕添加口感都幾特別。Melon Silk的豆腐口感香甜，帶有椰香味，清新解渴。Pistachio Royale則帶有開心果的香氣和濃郁的奶香。…查看更多

呢間係走法式小餐館路線，份量絕對無欺場！套餐款式多兼份量十足，兩個人食到超飽。🥣餐湯：番茄湯味道偏酸開胃🍽️頭盤：巴黎前奏打卡一流，真係有鐵塔造型～一次過試齊帕爾馬火腿、沙樂美腸、煙三文魚同幾款特色小食。最鍾意個迷你蛋批，口感特別得嚟出面唔係好多有得食～🍽️主菜：法式煮青口用白酒牛油香草汁煮，味道清甜。青口另外配埋薯條，份量十足。🍽️主菜：澳洲牛胸腹扒 5成熟，火候控制得唔錯，切開仲係粉紅色，配埋巴黎牛油汁牛味更出。🍽️甜品：火焰橙酒Crepe即場點火好有睇頭！橙酒嘅香氣同crepe好夾，不過橙酒最後重手咗，有少少苦…查看更多

荃灣的Odelice! Brunch為我帶來了一個充滿法式風情的用餐體驗。牛肉他他是這裡的一大亮點，肉質鮮嫩、搭配香草醬汁，口感層次分明，令人欲罷不能。三文魚蕎麥薄餅則別具風味，薄餅外脆內軟，三文魚新鮮，搭配微酸的調味，令人耳目一新，必定要試。餐廳的環境舒適，適合家庭聚餐，尤其是對於小朋友而言，這裡的服務也十分周到，又提供顏色筆比小朋友。飲品方面，抹茶青蘋果健康飲料和清新的柠檬梳打都令人心情愉悅，為整個用餐增添了不少色彩。總體而言，Odelice! Brunch不論是從菜品的創意還是口味的呈現，都值得一試。若你在荃灣尋找一個輕鬆的早午晚餐地點，這裡絕對是不容錯過的選擇，他們的餐廳經理服務一流，必定會再光顧。…查看更多

有冇人發覺海之戀商場好難行？搵極都搵唔到啲鋪🧐行左好耐先搵到依間 #Odelice 法國🇫🇷菜三道菜先$95起，加多$38就有埋甜品，都幾抵！食晏食牛扒🥩龍蝦會唔會太過份呀點左1️⃣澳洲牛胸腹扒 medium 好juicy, 切開啲汁流晒出嚟😋2️⃣龍蝦🦞燴飯手掌✋🏻咁大隻龍蝦，芝士舖滿晒龍蝦！個燴飯都好大碟3️⃣蟹肉他他啖啖蟹肉，吸引！4️⃣炸白汁三文魚球可一試，幾特別☺️5️⃣小青擰氣泡特飲6️⃣抺茶青蘋果特飲…查看更多

要數香港高質法國菜餐廳，而價錢相信非Odelice! 莫屬。平日我最愛吃這裏的brunch，除了價錢貼地親民，而菜式選擇極多。法式香草蛋沙律(素)沙律菜新鮮清新，配上車厘茄、雞蛋及多士粒粒等配料，口感豐富。蟹肉他他蟹肉配牛油果可以說是絕配，蟹肉份量多，味道鮮甜，牛油果口感油潤，加上蕃茄蓉及洋蔥粒，味道清新，令人越吃越開胃。法國鴨肝、鴨肉漢堡配黑松露薯條賣相不錯，鴨肝雖然不算大塊，但挺厚身，煎香後，入口外微脆內嫩滑，油脂豐腴，非常甘香；手撕鴨肉充滿鹹香，肉質嫩而不柴；搭配香脆的黑松露薯條，perfect。早餐蕎麥薄餅蕎麥薄餅口感偏軟腍，內裏放滿了餡料，非常豐富，包括流心太陽蛋、蘑菇、芝士、Parma Ham及燒薯粒，吃時將太陽蛋切開，讓蛋汁流出再一同享用，味道鹹鮮得來又充滿蛋香。榛子朱古力醬煎香蕉可麗餅推介！可麗餅上塗上一層厚厚的Nutella，加上輕烤過的焦糖香蕉片，令味道變得非常香甜，滿分。Latte 咖啡入口細滑順喉，奶泡細緻，奶香味突出，伴隨咖啡的醇厚香味。…查看更多

【🍽️荃灣Odelice｜高CP值法式小酒館驚喜🇫🇷】荃灣呢間Odelice絕對係隱藏寶藏！餐廳環境乾淨又有情調，法式鄉村風裝修配上暖黃燈光，坐得好舒服。員工服務細心有禮貌，成個用餐體驗都好愉快～人均$400就食到正宗法式料理！前菜「蘑菇湯」🍄香濃滑順，餐包外脆內軟；「法國生牛肉他他」🥩用Charolais牛肉製作，肉質鮮甜完全無腥味，搭配酸豆同洋蔥碎超開胃！主菜「香煎三文魚」🐟外皮脆肉質嫩，配搭酸模醬同青豆好清新；「英國黑毛豬肩胛肉」🐖烤得恰到好處，肉汁豐富配獵人醬同薯泥簡直絕配～甜品「法式泡芙」🍨冰凍雲尼拿雪糕夾心泡芙淋上濃郁黑朱古力醬，冷熱交融超邪惡！Cocktail推薦「Parisian Bloom G&T」🍸帶花清香；「Coco Slush」🥥椰香清爽，兩杯都好好飲～由頭盤到甜品都保持高水準，絕對係荃灣區法餐首選！ #荃灣美食 #法式餐廳 #Odelice #法國菜 #香港美食…查看更多

Odelice今次係我第二次回訪法國菜餐廳叫「Odelice」，呢間法國菜餐廳喺荃灣海之戀商場1樓入面，餐廳入面算好大，早排見到佢哋用圍板圍封以為結業，估計應該係裝修，佢哋依家星期一至五Happy Hour下午三點至晚上八點有優惠，飲品及酒類買一杯送一杯，仲推出咗不同人數嘅晚市套餐優惠，二人套餐都係$558起，呢間法國菜餐廳性價比真係高！二人晚市套餐$558（2主菜+2小碟+2是日餐湯）首先先嚟一碗是日餐湯，餐湯係蘑菇湯，再配埋幾煙韌嘅法國麵包！主菜：1.法式烤黃雞半隻（9.5/10）真係半大隻雞，雞肉肉質鮮嫩多汁，薯蓉好幼滑，我最鍾意就係松露野菌醬汁點雞肉食！2.阿根廷安格斯肉眼牛扒+薯條,巴黎牛油汁+$50（7.5/10）呢個阿根廷安格斯肉眼扒叫咗五成熟，不過肉質有少少韌，薯條香脆，旁邊有茄汁同巴黎牛油汁比你點嚟食！小碟：3.蟹肉牛油果他他（10/10）超多嘅蟹肉非常鮮甜，蟹肉下面就係鋪滿咗牛油果醬，最抵應該係蕃茄粒醬，整體三層味道非常夾！4.火焰橙酒可麗餅（9.5/10）一遞上呢個可麗餅，店員就倒上酒精點火，好適合打卡，個可麗餅中間係雲呢拿雪糕，其實點完火都用咗一半，可麗餅充滿咗酒香味，唔錯！飲品：5.Pistachio Royale $75（10/10）開心果醬，雲呢拿糖漿，酥脆卡塔菲絲，忌廉，開心果碎，植物奶呢杯充滿咗開心果味，入面有好多開心果碎，最底仲有酥脆卡塔菲絲，飲落有多重口感！6.Japanese Mule $85（10/10）氈酒，巨峰提子香甜酒，水蜜桃糖漿，紅茶呢杯氈酒有少少提子同水蜜桃味，茶味就唔覺有，酒味都唔會太濃烈，好易入口！**Happy Hour買一送一，星期一至五下午三點至晚上七點，公眾假期除外！**2人總共價錢$845，其他有加一服務費！個人口味總評分：9.42/10@o.delice   地址：荃灣大河道100號海之戀商場1樓1002號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #Odelice #法國菜餐廳 #法國菜 #浪漫餐廳 #無障礙餐廳 #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多