古今二 (荃新天地)

营业中

休息中

好多年以來都聽過呢間古今二居酒屋好好食，不過之前成日都喺觀塘，因為返放工唔方便，所以一直都未試過。原來朋友介紹，荃灣最近都開咗間古今二，咁就一於過嚟試吓啦。呢度嘅環境好闊落，而且好有日本風味，就算好多人聚會都會坐得好舒服啊。朋友食過話最出名嘅就係呢個辣妹，雖然佢叫辣妹但係一啲都唔辣，但係就好似一嚿好豐富嘅飯團咁樣樣，大人小朋友都食得得。呢個火山我哋都未食過，但係竟然佢就好似一舊飯團入面出面點火，非常適合打卡。佢嘅味道唔差，但係又味道好出色，不過會建議大家食嘅話都嚟打卡啊。本身已經好飽，但係朋友話佢好多年前食過呢個櫻花蝦茄子，除咗適合打卡之餘味道都好好。咁我哋就叫多咗過嚟試吓啦。估唔到原來真係好出色，本身已經好飽，但係食落竟然會突然間好開胃。非常推薦大家嚟試吓啊。呢間餐廳除咗性價比高之外，而且好多食物適合打卡，非常推薦聚會嚟試吓啊。