唯一雲貴川風味

营业中

休息中

此店人氣非常犀利，每日中午必大排長龍，座位狹窄一定要搭枱，其實我真係好憎搭枱，仲要接近手肘貼手肘踎底頭先食到，所以秘訣係要坐底速食。老實講小弟幾食得辣，亦都好鍾意食辣，米線來講佢聲稱係雲南風味，叫咗個中辣賣相的確係幾吸引，足料之餘嗅覺上都係幾香既。可惜食落就完全無特別，辣味不足油份太多，食落好油膩，湯底質感好厚，鹹味偏重。佢個馳名辣腩肉都係不過不失，鞋口肉薄。雞翼係好食嘅，大大隻好滑。整體合格但唔算得上係好味。價錢唔算特別吸引，一般兩餸麵都要五十幾蚊，真係唔係好明點解要每日大排長龍先可品嚐哩碗我感覺上似車仔麵質素嘅麵，可能此店唔係小弟既口味。