唯一雲貴川風味

营业中

休息中

好多好味既面家都係開左廿幾三十年既老舖，呢間唯一都唔例外，就咁睇出面既裝修，你未必會好想幫襯，但一試左就會念念不忘！由於食唔到太辣，所以兩碗都叫左清湯，但搭枱見到好多人都叫酸辣，食得辣既朋友不妨試試～食米線又點少得懶肉呢～呢間既腩肉帶小小辣，但加埋清湯度真係好perfect，岩哂我呢d食到bb辣既人～腩肉半點肥膏都無，而加一d都唔鞋，秘製腩肉汁好正！愈食愈上癮～另一樣推介既係佢既醬爆豬肉丸同貢丸，咬落去即刻有汁爆出黎，雖然唔係超多，但都好正，而且完全無空心，成舊丸都超彈牙結實～另外推介加蘿蔔/腐竹，因為會索哂d湯既精華，無論配咩湯底都好入味！唔洗成日去譚仔既，支持下小店面檔啦！