燐寿司

营业中

休息中

好耐冇去過海之戀，今次行完DONKI後，特意上到3樓新開張的「燐寿司」食晚餐。餐廳的木系裝潢幾雅致，一入門口就感覺到寧靜，私隱度高，唔會直望到其他客人嘅用餐情況。除了卡位，仲有吧枱，可以近距離同師傅交流，感覺好親切。我點咗個豐盛壽司定食，套餐裡面包括10貫壽司、細盛角切魚生飯（或者可以選擇豚肉糖心蛋湯烏冬）、茶碗蒸、沙律同埋麵豉湯，感覺真係好豐富。🍣 赤貝⊹蝦⊹大拖羅⊹三文魚子⊹海膽每一貫壽司都好有特色！赤貝鮮甜，肉質緊實；大拖羅油脂豐富，真係好正；而海膽的味道濃郁，口感creamy。🍣 真鯛⊹油甘魚⊹深海池魚⊹甜蝦⊹珍寶帆立貝真鯛肉質細膩；油甘魚鮮美，肉質厚實；深海池魚甜美，肉質緊實；珍寶帆立貝又鮮又柔軟。🍣 油甘魚⊹鮟鱇魚肝鮟鱇魚肝口感滑腻。定食裡的細角切魚生飯，飯量啱啱好，角切魚生多，勁滿足。最後，我仲試咗鱈魚乾，口感脆脆的，配搭巨峰提子梳打，感覺清新又解膩。