影片
更多
2025-01-03
592 浏览
呢間一直放喺收藏好耐，今次就約到下午茶時間，仲要係出面好靚打卡位置，真係超好彩！出面入面都係白色裝潢，配埋粉藍白色花花襯托，加上下午有啲陽光曬埋入黎，影相真係超有仙氣，超推薦！🍹Royal Tea Set Menu For 2 $388 ★★★★☆一份三層，底至高：海鮮、咸點、甜點，全部擺盤都好靚，加埋D食用花裝飾，真係超打卡！海鮮Canapes有龍蝦麵包、煎蝦蛋沙律多士，一口份量，唔會太油膩，麵包夠香脆，龍蝦肉幾爽彈，蝦蛋沙律有D似大隻版蝦仁炒蛋味道，最後有個三文魚子帶子片刺身，新鮮唔腥！中層就係咸點，先有個風乾火腿蜜瓜，做成串串好可愛！蕃茄肉丸勁有瑞典肉丸Feel，上面仲有好多芝士，下面加埋個小Muffin，濃味好食！我最愛個鴨肝配無花果，個鴨肝入口好似Mousse口感好軟滑，可埋無花果清甜，幾特別，第一次食呢個配搭！最上一層係甜點，2款馬卡龍分別係士多啤梨同埋焦糖，雜莓撻、Madeleine同埋一個比較特別開心果焦糖燉蛋，食落去有開心果味，都唔錯！🌟總結：環境超值得過黎影相，每處都影到靚相，加埋有D陽光仲靚！下午茶餐加一之後平均二百一個人真係性價比極高，食物方面質素幾好，咸點有驚
呢間一直放喺收藏好耐，今次就約到下午茶時間，仲要係出面好靚打卡位置，真係超好彩！出面入面都係白色裝潢，配埋粉藍白色花花襯托，加上下午有啲陽光曬埋入黎，影相真係超有仙氣，超推薦！
🍹Royal Tea Set Menu For 2 $388 ★★★★☆
一份三層，底至高：海鮮、咸點、甜點，全部擺盤都好靚，加埋D食用花裝飾，真係超打卡！海鮮Canapes有龍蝦麵包、煎蝦蛋沙律多士，一口份量，唔會太油膩，麵包夠香脆，龍蝦肉幾爽彈，蝦蛋沙律有D似大隻版蝦仁炒蛋味道，最後有個三文魚子帶子片刺身，新鮮唔腥！中層就係咸點，先有個風乾火腿蜜瓜，做成串串好可愛！蕃茄肉丸勁有瑞典肉丸Feel，上面仲有好多芝士，下面加埋個小Muffin，濃味好食！我最愛個鴨肝配無花果，個鴨肝入口好似Mousse口感好軟滑，可埋無花果清甜，幾特別，第一次食呢個配搭！最上一層係甜點，2款馬卡龍分別係士多啤梨同埋焦糖，雜莓撻、Madeleine同埋一個比較特別開心果焦糖燉蛋，食落去有開心果味，都唔錯！
🌟總結：環境超值得過黎影相，每處都影到靚相，加埋有D陽光仲靚！下午茶餐加一之後平均二百一個人真係性價比極高，食物方面質素幾好，咸點有驚喜，成個用餐都好好，坐得舒服，可以同朋友慢慢坐低傾計！
张贴
