甜牙牙

营业中

休息中

同老婆食完飯，路經呢間甜牙牙，一於食埋個甜品時sweet下先！天氣熱辣辣，我就梗係揀個凍嘅甜品涼快吓，叫咗個芒果綿綿冰（ $60 ），估唔到又真係幾好食喎，啲冰好有芒果味，仲有新鮮芒果粒粒都好鮮甜，另外仲有椰果、啫喱之類嘅配料，最鍾意佢嗰啲好似蟹子咁大粒嘅芒果粒粒， 一咬爆就必晒啲芒果汁出嚟，勁正呀！老婆就揀咗水晶芋圓仙草（$48），唔知係咪睇中中間嗰粒大大粒好似水晶嘅嘢呢！😂😂除咗唔同色嘅芋圓，仲有大粒細粒嘅西米、涼粉和巨型水晶，呢粒水晶係用寒天粉而做，其實就冇乜味，不過加埋啲椰汁食都OK。芋圓甜甜地又有咬口，幾好！