不籽是咖啡 (文豪閣)

营业中

休息中

小妹係半年前後黎過呢間位於油麻地「不籽是咖啡」餐廳🍴平時去呢間餐廳總係要排隊等位🤤不過今晚餐廳接近臨收工入際，有幸食到呢間餐廳🤭餐廳走文青木系風格，店內播住不同年代既音樂😌氣氛顯得好舒適🤟🏻龍蝦湯配牛油果大蝦稻庭烏冬🦞🥑🫕呢款烏冬以茶壺裝住熱辣辣既龍蝦湯😍可以按個人喜好將熱湯倒入烏冬內，品嚐一啖湯已經飲到龍蝦🦞嘅鮮味😚 好濃味，烏冬以扁身做主打，麵質很順滑；配料方面，有半份牛油果🥑，份量岩岩好，感覺好健康😎大蝦🍤有4隻，味道新鮮爽甜，好彈牙，仲有紫菜伴菜，為烏冬增添不同口感🤩味增蟹醬蟹籽蟹肉扁意粉🦀🍝意粉伴著濃郁既蟹膏味道，而且蟹肉及蟹籽鋪滿意粉面，非常豐富😚意粉質地剛好，每條意粉都掛滿醬汁，濃而不膩，算幾大份😝👍🏻凍熱情果高山茶🥤茶味好香，飲落清香又涼快，配埋酸酸甜甜既熱情果醬，感覺好清新🫨香草蕃茄芝士焗大啡菇🧀🧆相當大嚿既大啡菇，上層舖滿一塊芝士，中層舖滿蕃茄粒，一食多重滋味呢間餐廳🍴絕對是間特色既餐廳，雖然店內面積唔算太大，食物有質素，環境舒適兼沒有加一，非常親民，絕對可以再光臨🥳