不籽是咖啡 (文豪閣)

睇到介绍，意粉咖啡都好似唔错就试试佢。咖啡系正常味，环境正常。然后意粉，难食。意粉叫左卡邦尼扁意粉 & 手打牛肉汉堡扒蒜蓉意粉配黑松露蘑菇汁。卡邦尼扁意粉默默地放左上枱，然后staff就走左，初头以为系上错，睇落闻落都唔似卡邦尼，就问一问确认一下系咩嚟，会唔会系上错，佢反左下白眼，发出左一下几重嘅呼吸声，然后就返左去counter。见佢好似嬲嬲地，我仲以为系真系上错所以要去问责，有少少紧张会发生咩事。原来佢系去睇一睇张单就返嚟，答我系卡邦尼扁意粉。心谂，你望住碟野都唔知系咩嚟，要睇下张单先知，咁我点会知系咩嚟😂然后食食下就醒起，我见过依款卡邦尼意粉，系同叮叮意粉一样，但系叮叮好食啲，起码叮叮都会用烟肉而唔系火腿。牛肉汉堡扒蒜蓉意粉配黑松露蘑菇汁一上嚟，依个睇得出系咩嚟，因为有块汉堡扒，上面有pat黑松露。但净系睇个意粉，同上面嘅卡邦尼不能够话十分相似，只可以话系一模一样。不过捞返黑松露系当然会唔同，就系卡邦尼加黑松露味。汉堡扒正常，但格格不入，唔明点解会咁设计。然后系无影相嘅，唔会想影啲求其整嘅嘢。店员态度就理所当然地差，唔知大家系唔系有咩心事唔开心，或者可能返工就会心情唔好。收左加一服务费，但唔知有咩服务。总括而言就系索然无味，餐饮无味，人情无味。完全体验到间野系是但求其，除左喺宣传方面十分之落力，睇唔到仲有啲咩位间野系有心做。…查看更多

西营盘慢活cafe 上菜速度真系好慢！等左45分钟先上，对得一个钟饭钟既我来讲有啲luxury…野食质素麻麻，但系价钱几贵。不过环境系chill and 舒服既，文青风格。叫左汉堡扒黑松露磨菇意粉，蒜蓉虾酱油意粉同埋三文鱼明太子risotto. 推荐指数唔高，汉堡扒太老冇肉汁，黑松露酱冇mix 好，冇乜黑松露味。只虾算大只，都爽弹，正常ok,不过都唔算好特别。而明太子risotto 唔好食 唔推荐！不过小食质素ok, 个日式饺子，外脆内软。试左个青瓜soda 麻麻人均$200, lunch。唔健议，可以有更好选择。…查看更多

想相约友人食饭倾计，揾左呢间位于油麻地的coffee shop, 环境静静地，两个女仔晚饭坐下倾下计，闲聊幽闲一下也不错，胜在冇咩限时间，我早到左半小时到，在人流不繁忙的晚餐时段下，侍应都俾我早坐入去，仲可以坐住等，虽然是自助形式落单取餐具，较适合一些不抠小节，追求气氛自然的食客，但整体感觉也是可以的，虽然侍应不多，但也是有礼貌，态度也亲切的，叫左一客三文鱼意粉，－个云呢拿雪糕窝夫，－客黑松露忌廉芝士炸薯条，埋单HKD 254质素尚算正常，两个女仔share，分量算刚刚好，下次有机会可以再试吓佢哋嘅餐牌推介…查看更多

评分：80/100位于油麻地弥敦道的「不籽是咖啡」，是一间隐藏在街角的低调咖啡室。店面不太起眼，但凭藉温馨的氛围和高品质出品，吸引不少咖啡爱好者前来。从外观看，咖啡室坐落在狭窄街道旁，旁边有石墙和楼梯，散发出一种静谧的气息。一踏进店内，简约的木质设计让人感到舒适。木桌、木椅和木框大窗户，搭配灰白色墙面和绿色瓷砖吧台，空间明亮通透。大窗户让自然光洒进店内，窗外街头涂鸦和城市景观与店内温馨气氛形成有趣对比。店内座位安排合理，靠窗的高脚桌最适合边喝咖啡边看街景，吧台旁的高脚凳则让人能近距离观看咖啡师操作，增添互动感。这次到访时店内顾客不多，环境显得格外宁静，适合小聚或独自放松。点了一杯热拿铁和一道烟三文鱼白汁扁意粉，体验令人满意。热拿铁端上桌时，拉花精致，呈对称的叶子形状，奶泡细腻光滑，与咖啡颜色对比鲜明，视觉效果出色。喝起来口感顺滑，奶香浓郁，咖啡与牛奶比例平衡，微苦中带甜，展现出店家对咖啡品质的重视。烟三文鱼白汁扁意粉同样出色。扁意粉煮得软硬适中，裹上浓郁的白汁，酱汁以奶油和帕尔玛干酪为基底，滑顺中带有咸香。烟三文鱼切成薄片，烟熏风味突出，与白汁的浓郁形成完美对比，撒上少量欧芹碎，清新不腻。整体味道层次丰富，份量适中，作为轻食非常合适。不过，吧台区域略为杂乱，堆放了不少托盘和工具，稍影响观感。此外，店面位置较隐蔽，对于初次到访的顾客来说可能不太好找，建议提前查看地图。虽然顾客不多，但服务员的互动不算特别热情，略显冷淡。总体而言，「不籽是咖啡」是一间值得一试的咖啡室，无论是咖啡还是轻食，品质都令人满意。虽然位置和吧台整洁度有小缺憾，但温馨的环境和用心制作的出品，让人感受到店家的诚意。适合喜欢安静享受咖啡时光的你，下次路过油麻地，不妨来这里小憩片刻！…查看更多

由入门口已经觉得不被欢迎，好似入去餐厅令佢地工作量增加左（莫非太好生意唔忧做）？落单嘅时候态度奇差，行到埋去cashier眼望望唔出声，跟住隔咗阵先发现佢识讲野嘅，跟住落单一直都唔多出声，又唔知佢听唔听到，到俾钱嘅时候全程都黑口黑面，到Paywave完又唔搣张单，谂住自己搣佢竟然抢返机话佢自己搣，真系唔声唔声唔知佢想点！跟住睇返Openrice嘅comments真系哗然，原来有咁多人都有类似经验，但间餐厅都冇谂住改善，不过或者黑面嘅系老板都唔出奇，摆出一副Who give a shit嘅面口☺️☺️冇所谓啦，人地生意好，冇我一个半个客都应该仲有好多客黎体验下服务态度嘅，日本都有以恶劣服务态度为招徕嘅餐厅，都几有特色嘅…查看更多