玉桃軒酒家 (鱷魚恤中心)

营业中

休息中

平日帶長輩來觀塘食飯，地點便利係要點之一，而且又想試下新野，所以就book依間酒樓試下。雖然係平日，但係都幾旺場，都幾多人食。 今次我請家人食，所以由佢地拍辦。見到有片皮鴨有諗過叫，但驚食唔哂，所以都係點小菜。 總共叫左五樣野。 胡椒咸菜豬肚煲 幾重胡椒味，成個湯唔會太咸，好好飲，而且豬肚煲得幾腍。 燕窩芙蓉花膠湯 滋陰養顏之選 燒腩仔燒到個皮幾脆，而且燒肉肥瘦適中。唔會太肥搞到你食到成口油，又唔會太瘦，令你咬落去好韌。 滑蛋炒蝦球真係炒出黎係滑蛋，D 蛋好滑，蝦球爽口彈牙。 帶子賽螃蟹蛋白又係好滑，帶子爽口。 整體黎講，小菜唔錯，環境乾淨，侍應態度幾好，食完一樣餸會主動過黎幫手執野，而且地點方便，下次同長輩既話可以再黎。