影片
更多
2025-03-17
452 浏览
最近聽朋友講韓脈推出左個超抵食既二人午市套餐「Rotating pot pork belly BBQ」，$288就食到燒肉，仲有個韓國自動炒鍋，話係解放雙手都可以整到好味燒肉，咁我就即刻同朋友一齊黎試下啦。.前菜一坐低，店員就端上左免費既韓式前菜，有生菜、沙律、泡菜、醃蘿蔔絲同魚膏片等，多款小碟真係好開胃。生菜特別岩包住燒肉食，脆脆地又有清新感，配搭一流。.五花腩主角五花腩份量多到誇張，夠晒兩個人分。肉已預先切好，我地只係放入韓國自動炒菜機，倒少少油，加蒜粒、蘆筍同粟米芯，幾分鐘就炒好晒。炒得均勻又香口，完全吾使自己動手，味道仲好過我平時炒，實在好驚喜。炒好既五花腩油香四溢，用生菜包住，加d蒜片同泡菜一齊食，層次豐富又過癮。.主食主食有飯同炒飯揀，我地試左泡菜炒飯。本來以為係廚師炒好送上，原來係比白飯同泡菜我地自己炒🤣將飯同泡菜放落炒鍋，吸收左五花腩既豬油香，炒出來更香口，再加d紫菜碎，味道真係出色到不得了。.湯湯我就揀左純豆腐辣湯，另一款係牛胸肉大醬湯。用料好足，豆腐多到滿瀉，仲有菜同蔥，湯底辣得黎吾會太濃，暖胃又開心。.醬油蟹配牛油飯最後見有優惠，加$250試左醬油蟹配牛油飯，原價
最近聽朋友講韓脈推出左個超抵食既二人午市套餐「Rotating pot pork belly BBQ」，$288就食到燒肉，仲有個韓國自動炒鍋，話係解放雙手都可以整到好味燒肉，咁我就即刻同朋友一齊黎試下啦。
.
前菜
一坐低，店員就端上左免費既韓式前菜，有生菜、沙律、泡菜、醃蘿蔔絲同魚膏片等，多款小碟真係好開胃。生菜特別岩包住燒肉食，脆脆地又有清新感，配搭一流。
.
五花腩
主角五花腩份量多到誇張，夠晒兩個人分。肉已預先切好，我地只係放入韓國自動炒菜機，倒少少油，加蒜粒、蘆筍同粟米芯，幾分鐘就炒好晒。炒得均勻又香口，完全吾使自己動手，味道仲好過我平時炒，實在好驚喜。炒好既五花腩油香四溢，用生菜包住，加d蒜片同泡菜一齊食，層次豐富又過癮。
.
主食
主食有飯同炒飯揀，我地試左泡菜炒飯。本來以為係廚師炒好送上，原來係比白飯同泡菜我地自己炒🤣將飯同泡菜放落炒鍋，吸收左五花腩既豬油香，炒出來更香口，再加d紫菜碎，味道真係出色到不得了。
.
湯
湯我就揀左純豆腐辣湯，另一款係牛胸肉大醬湯。用料好足，豆腐多到滿瀉，仲有菜同蔥，湯底辣得黎吾會太濃，暖胃又開心。
.
醬油蟹配牛油飯
最後見有優惠，加$250試左醬油蟹配牛油飯，原價$280😆醬油蟹每日新鮮整，好多膏，入口鹹香濃郁；牛油飯上面有個生蛋黃，加入大量紫菜碎，攪拌後食滑溜又香口，完美收尾。
张贴
