南記海鮮飯店

营业中

休息中

星期六一行六人去左附近既海鮮檔買左d海鮮拎去叫佢整.. 等既時候係就係耐左d.. 因為實在太多人啦.. 但唔明既係.. 一早叫既海鮮遲遲未到.. 但之後加既小菜就唻得好快喎.. 真係令人費解??? 算啦.. 講番當晚食左d乜啦.. 有... ... 豉椒炒蜆.. 陳皮鮑魚.. 芝士焗龍蝦伊麵底.. 蒜茸粉絲蒸扇貝.. 清蒸老虎斑.. 小炒皇.. 白飯三碗同埋一支啤酒.. 味道都算唔錯既.. 最鐘意係芝士焗龍蝦伊麵底.. 雖然味道係淡左d.. 不過d伊麵吸哂d芝士汁.. 所以係好味過d龍蝦既.. 哈哈.. 不過當晚就真係貴左少少囉.. 我覺得.. 唔計自備海鮮d錢.. 叫佢煮je都要三百五.. 前排自己買.. 自己煮埋都唔駛咁多呀.. 連埋海鮮d錢要差唔多成千.. 但又唔係食到好飽飽喎.. 我諗得六成飽ja... ... 下次都係唔好自己買.. 叫佢個d餸會仲抵添... ...