手拉麵小廚

营业中

休息中

新蒲崗係一個勁多臥虎藏龍嘅小店😎中午黎到手拉麵，要等幾張枱先入得，大熱天時，為咗食好西都冇辦法啦😂 ❣️小籠包，一客有五件，比出面嘅四件，感覺上抵啲😂而且佢係即叫即蒸，所以需要耐心等候❣️呢個小籠包皮比較厚，同坊間嗰啲唔同，但正正就係因為佢皮比較厚，所以裏面嘅湯汁更加多🤤如果鍾意食有麵粉味有口感嘅呢個啱晒👍❣️豬扒擔擔湯拉麵，一開始望到個湯咪特別濃，以為會好淡😬點知食落去係超濃烈嘅花生味道，湯掛滿晒喺每一條麵條，而且有啲微辣🤩舊🐷扒超大塊，超厚又超好味😋❣️回鍋牛肉炒拉麵，好有鑊氣，係鮮牛仲要份量大🤓❣️重點一題係依度嘅手工拉麵，喺門口可以望到師傅即整即煮，而且麵條嘅煙韌度係非常之好👍愛麵之人，一定要黎見佢一麵呀😂💚💚💚💚