手拉麵小廚

新蒲岗手拉面小店好受街坊欢迎！行过门口已经见到师傅人手打面，今次去特登为咗名物大大只爆汁小笼包!—— 小笼包 (五只）$57招牌必叫！皮薄馅多！比坊间食嘅更大只🤩接近一只手掌嘅size‼️一啖咬落去汤汁爆出嚟，超热辣辣！清甜劲多汁😍虽然$57五只少贵，但都真系高质！—— 猪扒担担面 $67面条粗幼均匀，咬落去烟韧弹牙，可惜汤底好重胡椒味，花生香就好淡，猪扒炸得啱啱好外，但真系超级咸🤢再配埋个面挂埋胡椒味汤，真系成口又咸又剌激🤢🤢📍 手拉面小厨 (新蒲岗)新蒲岗衍庆街48号衍庆大厦地舖▫️▫️▫️▫️▫️▫️▫️▫️▫️▫️▫️▫️▫️🌟推荐指数：7/10 …查看更多

今日喺新蒲岗，试咗一间叫「手拉面小厨」嘅小店，专门做手工拉面同埋小笼包。店舖位于繁忙嘅街区，装修简约温馨，带点日式风格，门口已经闻到阵阵汤头香味，令人迫不及待入座。店员服务周到，介绍菜式时好专业，推荐咗佢哋嘅招牌拉面同小笼包畀我试。首先试咗拉面，面条系手工拉制，弹牙有嚼劲，挂汤能力强，每一口都吸满汤汁。汤底选择多样，我拣咗猪骨汤，汤头浓郁鲜甜，唔油腻，配上叉烧、蛋同埋青菜，味道平衡。叉烧入口即溶，肥瘦适中，绝对系水准之上。拉面份量足够，食完有饱足感，适合午餐或晚餐。但最出色嘅，绝对系招牌小笼包！外皮薄薄透光，内馅鲜肉汁多，咬落去热腾腾嘅汤汁爆出嚟，肉馅鲜嫩多汁，调味恰到好处，带有淡淡姜味解腻。每一笼都蒸得刚好，唔会太湿或太干，食落真系一绝，感觉比好多知名店舖都要好。其他小菜如饺子同埋凉拌菜，都新鲜可口，增添咗整体体验。价钱方面中规中矩，拉面一套$60起，小笼包一笼$40，性价比高，唔会觉得贵。唯一小缺点系座位唔多，高峰期可能要等位。但整体嚟讲，手拉面小厨嘅手工质素令人印象深刻，尤其小笼包系必试项目。下次会再嚟试埋佢哋嘅辣味拉面！总分：9/10！…查看更多

上海菜馆小笼包爆汁警报💥唔讲唔知！原来喺上海菜餐厅都可以食到惊为天人嘅猪颈肉？今日同大家分享一间隐世高质小店～一入门口已经闻到浓浓嘅小笼包香气，即刻冲去点咗招牌小笼包同猪颈肉米线！咬开小笼包瞬间——汤汁简直系火山爆发级🌋！虽然偏咸少少但鲜味爆灯，皮薄馅多做到「汤包合一」境界，食到咀角流油都忍唔住疯狂encore！至于个猪颈肉米线⋯⋯哇！真系「肉不可貌相」！猪颈肉煎到金香脆口，咬落去「咔哧」声仲清脆过iPhone新提示音📳！肉质弹牙得嚟又juicy，腌料完全渗透每丝纤维，拌住滑溜米线同清甜汤底，简直系「饱到上心口都坚持清碗」级好食！最感人插曲～食到一半突然醒起架车泊咗喺抄牌黑点🚨！冲出去睇之际，原来店员哥哥早已暗中帮我昅实，见有交警巡逻即刻提我移车！真系「人间有爱」到想颁个好人奖俾佢～如果唔系呢个神助攻，今餐随时变「天价饭局」（谂起都肉痛啊！）。总结：呢间绝对系「味力与人情味并重」嘅宝藏店铺～后续已经约实班friend再去扫menu！大家如果去试的话，记住「车泊稳阵，包食安心」啊～😉…查看更多

听讲呢间好受欢迎，星期六6点都要等左10分钟左右，餐厅环境比较细，2个人坐卡位系要搭枱，张枱都有啲细。特登黎到食小笼包 ($57)，一笼5个，师傅一路包一路蒸所以要稍候嘅。咬开个皮瞬间汤汁丰盈，不过整体味道未达预期惊艳，一咬啲馅有啲松散。以呢个价位嚟讲，性价比略为普通。另外叫左个鸡丝冷面 ($58)，成碗面份量都好多，大量青瓜丝，铺满浓郁麻酱嘅鸡丝，面质算弹牙爽口。猪扒汤拉面 ($58) 汤底温和略欠层次，猪扒干身唔算油腻，面质软硬适中，同冷面都系同一种面，纯粹填肚ok。加左$10要豆浆，以为系自家制，原来唔系😂…查看更多

超级好味！份量十足，食唔晒😂😂本身预计到份量好多，所以特登叫少面，但都系好多，唯有打包翻屋企再慢慢食小笼包即叫即蒸，等咗十几分钟左右。一啖爆汁，肉无加姜丝，岩晒我口味！猪颈肉担担面份量超多，猪颈肉厚实弹牙，块块都有脆边，真系食到停唔到口，好快就好饱。担担面个汤底唔辣，比一般担担面清淡，偏花生酱味道。超好味！…查看更多