手拉麵小廚

聽講呢間好受歡迎，星期六6點都要等左10分鐘左右，餐廳環境比較細，2個人坐卡位係要搭枱，張枱都有啲細。特登黎到食小籠包 ($57)，一籠5個，師傅一路包一路蒸所以要稍候嘅。咬開個皮瞬間湯汁豐盈，不過整體味道未達預期驚豔，一咬啲餡有啲鬆散。以呢個價位嚟講，性價比略為普通。另外叫左個雞絲冷麵 ($58)，成碗麵份量都好多，大量青瓜絲，鋪滿濃郁麻醬嘅雞絲，麵質算彈牙爽口。豬扒湯拉麵 ($58) 湯底溫和略欠層次，豬扒乾身唔算油膩，麵質軟硬適中，同冷麵都係同一種麵，純粹填肚ok。加左$10要豆漿，以為係自家製，原來唔係😂…ดูเพิ่มเติม

開頭都半信半疑一嚟到見到門口都唔太搶眼，可能平時經過都唔會入去,舖頭位置就唔算太方便都係揸車先會經過到，但小籠包同埋其他食物真係唔錯,試咗幾樣嘢包括雞絲冷麵雖然油咗啲但係都好好味小籠包超多汁，足足有三大羹羊肉湯拉麵麵質好彈牙，湯非常濃郁，羊肉都好夠味道小籠包雖然要等，但係真係好值得，可以叫做其他或者冷盤食住先，今日我哋係兩個男人去食，食咗兩個麵兩籠小籠包真係好飽，我哋食嗰陣係下晝4:00都不停有客入嚟，證明真係區內都有啲名氣😃…ดูเพิ่มเติม

位於新蒲崗嘅小店，店面唔大，只有幾張圓枱同卡位當日下午3點幾去到，唔洗排隊但入面已經8成full，相信繁忙時間一定大排長龍由於當日已經食咗午餐，淨係叫左兩籠小籠包配凍菜蜜上菜速度超快！小籠包外形飽滿，外皮少少透光，唔算厚都幾大隻😯雖然我筷子勁麻麻地，但係一粒都冇穿到！湯汁非常多，接近上海食嗰種湯包level不過肉餡冇乜口感，比較鬆散如果追求肉質同口感就可能唔啱你但如果追求多湯，可以一試肉湯調味較重，追求清淡就可以避雷～由於調味重手，加3蚊嘅凍菜蜜就發揮到功效**請留意凍菜蜜係冇配冰嘅～…ดูเพิ่มเติม

係門口等緊個朋友嘅時候，睇住個師傅點樣拉啲面出嚟，都幾得意。我同個朋友嗌咗兩籠小籠包，同一碗豬頸肉擔擔麵share,個小籠包一到，好少見到小籠包咁大粒，小籠包個皮薄然後見到係爆多汁，我個人就好鍾意食😍😍😍個豬頸肉擔擔麵，好香好好濃麻醬花生味，不過個人就辣咗啲啲，豬頸肉整得好入味，外脆內軟😋😋不過新鮮拉出嚟嘅面同一般交嚟嘅麵真係好唔一樣，嗰種爽口彈牙嘅味道真係令人食完一啖又一啖，停唔到口🤤🤤🤤🤤…ดูเพิ่มเติม

質素平平，食完唔滿足🤥平日夜晚黎開新蒲崗，見呢間小店OpenRice有咁多讚，決定試吓，可惜食完少失望。先講講餐廳環境，內裏裝修簡陋，門面並不起眼，但無阻我地區覓食的心😌羊肉湯拉麵 $62比預期中質素差，好味過佢嘅羊肉湯麵比比皆是。湯底有羊肉香，但味唔濃，反而有陣雞湯溝出嚟嘅味。羊肉麵量多，可以醫肚。 招牌小籠包（5隻）$52可以稱得上為湯包，包住滿滿的湯😂Size頗巨型，肉量則偏少。味道唔錯，但未至於心且中前幾名。花鵰醉雞 $82呢道小食算係最好味的菜式，亦係最貴果樣。花鵰酒味重，雞肉嫩滑，今餐最推薦👍🏻…ดูเพิ่มเติม

小籠包好好食！餐廳不是走精緻路線，小籠包比湯匙還要大；外皮也比鼎泰豐的厚，但不過分。整個湯包夾起來重甸甸的，手桿的功夫令麵皮煙韌有彈性又不易破皮，一口咬下湯汁豐盈，鮮美非常。豬肉餡鬆化，不像肉丸般結實，也不會太油膩。整體非常驚豔，尤其是這種厚度的麵皮竟然能做出煙煙韌韌的口感，令人想一吃再吃，一個人吃完一籠也不是問題。可說是吃過最好吃的小籠包，沒有之一。專程來到，也得試試餐廳的招牌手拉麵。羊肉湯拉麵的湯頭濃郁，羊味頗重，我很喜歡，但若不喜歡羊膻味的話，可以試試不少食客點了的豬排担担麵。手拉麵粗幼不一，整體偏軟身，如果能減少煮的時間，保持像小籠包外皮的咬勁會更理想。配料有羊肉片和紹菜絲，份量足夠。麵的份量頗大（對女士來說），最好是和朋友分享，那就小籠包和手拉麵都可以試到了。另一次到訪時，試了羊肉炒拉麵和豆沙煎餅。炒拉麵有鑊氣，比湯麵更惹味，麵也因為沒有熱湯的浸泡而保持咬口。羊肉的份量也不少，整體比湯拉麵出色，但炒麵少不免會油膩些。豆沙煎餅即叫即炸，很香口，可惜糯米皮吸滿了油，膩過頭了，不太推薦。另外是廚師的味精下得較重手，食完難免會口渴；其實小籠包的肉餡和羊肉本身已有足夠的鮮味，如果味精能輕手些就更好了。…ดูเพิ่มเติม

原來lunch hour都幾多人排隊下！今日叫左：豬排擔擔麵&小籠包豬排🐷：大塊即炸，熱辣辣！個脆皮吸左少少湯令味道多個個層次！拉麵🍜：麵量多，麵質好掛湯，正！擔擔麵湯🫕：偏油濃味。以為好重味精但事後無狂飲水咁我諗味精/鹽應該唔係太過份，但唔建議飲太多啖😅小籠包🥟：偏大隻，兩個人share一籠唔會浪費。皮偏厚但又be fair佢需要厚少少先可以支撐咁大舊肉餡既～味道：🥟🥟🥟🥟環境：🪴🪴服務：🙇🏻‍♀️🙇🏻‍♀️…ดูเพิ่มเติม

一心諗住試嘅3間餐廳…..第一間5:30 師傅走，所以5：30後停賣第二間 寫住收8，7點幾就摸門釘第三間仲好笑 訂咗枱，行到去冇開門🤦🏻‍♀️黑仔到咁咩好彩我有6手準備，只係唔抵得行咗一大餐！前車可鑑即刻打電話問下係咪收10點同賣哂小籠包未先～終於去到第四間先食到！好耐冇嚟新蒲崗，店家一見到我哋5個，話等5分鐘就有得入座，但係座位圓枱一邊貼牆有啲迫，店家都一直問要唔要比椅子放袋放後面張枱底，建議多過4人就分枱食啦 真係幾迫，但態度唔覺有咩問題🤔終於試吓呢間小籠包名物，湯汁真係勁多，皮都好薄，不過包頂部份有一定厚度！小籠包多湯又大隻$52/5隻豬扒擔擔拉麵🍜睇樣都覺得好吸引，湯底唔算好重花生味，湯底帶有胡椒香，仲有啲肉碎炸菜芝麻，味道偏辣，好吸引！我驚花生味所以叫咗豬頸肉清湯拉麵，拉麵屬於扁身，冇鹼水味，仲有兩片生菜🥬落辣椒油都夠惹味！豬頸肉同豬扒同樣好食，炸得非常出色！唔怪之得咁多人嚟食，下次有機會再食！另外加$3叫咗一杯凍菜蜜，熱飲咁細杯，但係已經雪凍走冰！味道偏淡，整體不錯不錯👍🏻…ดูเพิ่มเติม

-{新蒲崗上海菜🍜}朋友推薦嚟呢度食上海菜 主打手工拉麵😙🤤小籠包🤤 ($45)爆多餡😋又有免治豬肉 同好多湯汁 係會辣口嗰種🤩皮唔算好薄但餡料真係好多😚大大粒係平時嘅1.5倍☺️👖褲評: 8.5/10🤤豬扒擔擔麵🤤 ($60)豬扒炸到個皮好脆 仲食到啲肉汁🤓另外個擔擔面都好重花生味😛個麵好爽彈🥰成個麵都好出色🤩👖褲評: 8.5/10🤤雞絲粉皮🤤 ($50)粉皮份量都幾多 都係撈麻醬咁！唔會差得去邊～👖褲評: 7.8/10🤤羊肉湯拉麵🤤 ($60)羊肉有些少羶味 羊嘅份量又多！啲湯好出羊肉香仲要唔太膩 啲菜吸晒啲湯汁好入味😋麵都係差唔多🍜👖褲評: 8/10🤤豆沙鍋餅🤤 ($45)新鮮啱啱煎起😙好多豆沙餡又唔會太油🥰👖褲評: 7.8/10整體所有嘢食都好食😭有好多料 仲見到師傅手拉拉麵😌可以再黎幫襯🥳性價比: 9/10服務: 8.6/10環境: 7/10🚩 手拉麵小廚 🚩地址: 新蒲崗衍慶街48號衍慶大廈地下 #fuudjai #fuudjai新蒲崗 #fuudjai中菜…ดูเพิ่มเติม

新蒲崗 Mikiki 附近,  有好多街坊小店,  喺IG 見到有人 post 呢間嘅小籠包好似好正,   一於去試下. 手拉麵小廚 個門面 唔算好大,    係傳統上海鋪架局,   門口廚窗係包點煮麵位.  叫左兩個麵加一份小籠包,   佢地嘅份量都好好,  兩個人食都食到好飽喇~    先講佢個小籠包,   有驚喜,  雖然一籠五隻 但係 好! 大! 隻!呀!   仲大過隻豉油碟 ,    仲要係皮薄.   但係變相就難夾啲,  要好考大家嘅功力先唔會漏晒啲湯汁出嚟喇~  蔥爆羊肉炒拉麵,   雖然呢個組合好似比較少見但係顧名思義 都知佢咩玩法啦,    好食嘅,  啲麵上晒色入晒名,  肉同配料都唔會少.    又夠熱,    羊有羶味,   食落係好過癮嘅~ 最後係雞扒湯拉麵,   就係好正路嘅茶記湯麵 feel ,   個湯都幾重味精,   我地個雞扒就好食嘅,  但係同一時間隔離枱果碗就話雞扒微酸,  都係茶記雞扒好常見嘅問題喇,   真係睇你好唔好彩. 我呢,  下次一定係自隊一籠小籠包先再諗下食咩其他野...   …ดูเพิ่มเติม

朋友介紹話新蒲崗有間擔擔拉麵好食，今日專登坐巴士黎試下。舊區小店，店舖面積不大，可以說是較細小，但座無虛席，亦有很多人來叫外賣。全店主打拉麵，店外可以見到師傅不停地拉麵，麵質彈牙有口感，建議叫湯拉麵，可以吃到麵質彈牙，炒麵反而缺少了點彈牙口感。擔擔湯底少少香辣，個人口味應為可以再濃郁再辣一些。豬頸肉反而是驚喜位，香脆惹味，不會過硬，讚！另一主打是小籠包，幾乎每枱必點，每個包都裝滿肉汁，味道唔錯，但皮略為太厚。…ดูเพิ่มเติม

幾年前朋友介紹嚟新蒲崗必食舖之一。舖仔細細，枱椅十張，所以未算頻密嚟食。今日見5點幾，剛好有張4人卡位吉咗，就重溫吓。嗌咗個2人餐，揀左醉雞翼、小籠包、回鍋牛肉。小籠包好豐滿，灌湯到爆開咁滯，筷子夾頂部落自己碗冇穿，咬開似迷你灌湯包。蝦米津白係家常便餸味道。回鍋牛肉幾夠鑊氣不過豆乾略嫌唔夠。叫咗2支熱豆漿，係膠樽裝、揦手嗰種熱！之後食完未飲哂拎埋走可以當暖蛋，牌子係壹品。再外加羊肉客飯，好矛盾，想食羊味，但又點都有羶味。…ดูเพิ่มเติม

一講起小籠包不得不提及呢間小店舖仔細細但出品十分出色特別係一企喺門口就會見到師傅係咁做麵條同包小籠包功架十足，果然係高水準之作 必試產品當然係小籠包皮薄得黎唔會一夾就穿肉湯汁豐富仲好鮮甜肉同皮比例好平衡，大大隻食落去好滿足 就係咁樣同個朋友黎食一籠都覺得唔係好夠喉所以就叫多一籠咁先可以大滿足因為平時我自己一個食一籠架嘛 期間仲要左蔥爆羊肉呢個好有驚喜因為個汁好鬼惹味羊肉又要炒到好乾身真係唔會俾個汁搶晒仲完全點綴到個羊肉超級 幫襯左5-6年一直都係咁優秀製作小籠包係嗰種一段時間冇食就會掛住要特登去食嘅滋味誠意推介…ดูเพิ่มเติม

我個人超級鐘意食小籠包。但一直都搵唔到令我覺得想一試再試既小籠包。知道小籠包係呢間食肆嘅招牌，特地過嚟一試。一籠5隻，同出面的小籠包有以下嘅分別：1）形狀係闊而扁身2）頂上有個窿，方便比客人吸入小籠包裡面嘅湯汁3）小籠包嘅湯汁係超多4）小籠包皮薄，但唔易爛，餡份量適中整體來講，小籠包係超級好味！係我食過最好味的小籠包！係會令我想再返黎食既食物！另外，叫左雞絲粉皮，味道正常。但以呢個份量，同埋雞絲比例極少，定價偏貴。…ดูเพิ่มเติม

一日途經此處，反正未吃飯，看見是小人喜愛的上海店子，一於入內一闖。環顧四周，很多枱都有小籠包，小人本著不要執輸的精神，當然要來一客。一籠五個的小籠包，跟坊間不同的是超級大粒，單是看著已令人食指大動！一口咬下，皮不是特別的薄，亦無需講究多少個摺，只要足夠盛著裡面爆多的湯汁已然足矣，此外肉球餡更是入味非常，啖啖滋味！再來的羊肉湯拉麵同樣精彩，羊肉片片柔嫩，卻又不會很肥。重點是拉麵本身，煙靭度一流，條條粗幼不一，完全是手拉的証明，水準甚高！天氣稍涼，吃一頓滿足的熱食回一回暖，特別舒服。…ดูเพิ่มเติม