越．男

营业中

休息中

餐廳裝潢蠻有特色，放滿越南有關嘅裝飾，另外有一幅手繪牆，畫滿越南食物，可以打下卡。除咗越南法包，亦有越式粉麵，另外晚餐set 性價比唔錯，一份主食加飲品大概$85-$95。脆燒腩法包法包鬆軟得嚟脆身，搽咗沙律醬，味道帶酸甜，餡料嘅脆豬腩外脆內軟，另外仲有扎肉、肝醬、醃蘿蔔絲、芫荽等，口感好豐富，呢個好食！😋😋越南去骨海南雞飯海南雞係雞胸位，肉質幾滑身，而飯粒比較硬身，帶點雞油香味。越式春卷 套餐可以加錢追加小食，一份兩件，春卷餡有芋頭及豬肉，炸得幾脆身。套餐仲包一杯越式飲品，揀咗煉奶咖啡同檸檬特飲。整體幾款食物入面最喜歡越式法包，口感同味道都唔錯，有機會再黎食。😊