龍味館

营业中

休息中

位於中環嘅呢間餐廳主打新派中菜，菜色有創意幾有特色💫環境有啲復古中式feel又唔失時尚，就同朋友試一試！🖤芝麻脆皮吊燒雞成隻雞鋪滿芝麻，外皮燒至香脆，有好香嘅芝麻味，而雞肉就可以保持嫩滑，好有雞味，食落有肉汁，咬落層次好豐富，點小小豉油提鮮，個個食完都讚！🖤鮮鳳梨咕嚕肉酸酸甜甜，鳳梨新鮮，咕嚕肉炸到啱啱好，個皮仲好脆，食落好開胃。🖤海膽八寶豆腐豆腐滑到溜，八寶配料有層次，海膽味道唔會搶晒戲，幾有心思。🖤醬皇蔥香叉燒炒飯炒飯粒粒分明，叉燒唔鞋，蔥香味夠，好有鑊氣！🖤宮廷酒爵暖胃湯用左大量南瓜去煲，湯底夠濃，入口暖笠笠，飲完成個人都舒服晒。