長阪燒 (已結業)

之前已經嚟食過，今次再翻達，味道同樣高質！👍🏻特上精選壽司盛合一個壽司盛盒就滿足哂二人嘅肚子，刺身件件厚切新鮮，口感常溫。拖羅油潤萬分，軟綿綿嘅口感令小編情有獨鍾；北海道鮮帶子清甜厚嫩；赤身魚香較重；三文魚肥美；真鯛顏色粉嫩，味道較清，可以先食！最後令人嘩然的小山盛，以吞拿魚蓉、魚籽、海膽堆砌而成嘅小山丘，一啖食落去盡是奢華，滿腔鮮甜一湧而上。👍🏻串燒嚟到居酒屋成為必點系列：豚肉露筍口感極好，油滋滋的豚肉包住爽脆蘆筍，令人一試難忘；雞髀肉嫩滑得不得了，肉汁滿滿的鎖起雞肉裏面；醬燒海苔年糕絕對係煙韌控嘅選擇，外皮甜甜蜜蜜，咬落軟糯；煙肉車厘茄同樣係不油膩推介，煙肉鹹香度足夠。👍🏻沙追魚天婦羅盛合天婦羅炸得酥脆而不油膩，口感薄脆，沙追魚啖啖肉，更有茄子、南瓜、秋葵作伴菜嘅點綴 。👍🏻北海道松葉蟹蓋正值蟹季，當然要返蟹宴，廚師已經燒好再端上台，冇任何其他襯托品之下，更加品嚐到蟹膏嘅回甘。