水門雞飯 (萬勤商業大廈)

营业中

休息中

放假日子的午餐仍然在尖沙咀解決😆 心血來潮想食海南雞飯 ，就黎左呢間一直有名氣嘅餐廳食喇。呢間我基本上每個月整完指甲就會去食，因為味道又唔錯價錢又ok。呢度職員好似做事都好急趕咁，佢地叮囑食物黎到先好除口罩，態度同語氣我接受到嘅😂（可能有啲人就覺得佢地惡）😂我一坐低直接落單嗌左水門雞飯。個湯就唔岩我口味，因為落左胡椒粉？我覺得辣辣地.。 雞飯5分鐘內都送上，啲雞肉全部去哂骨而且份量唔小，油飯則恰到好處。 對我黎講，飯有啲多我食唔哂。男友就叫左個香酥雞肉飯，佢話啲雞有啲乾，其他無特別～ 如果未食過呢間，都可以不妨一試下佢嘅，話哂咁有名氣同埋lunch time門口一定要排隊的～