影片
更多
2014-04-07
2052 浏览
得左旺角咁多年，邊度大概有啲咩舖都一定有印象。但居然係今晚偶然因為西洋菜街多人而轉行女人街時，發現左依間老麵店，睇佢啲亞加力膠牌怕且都係七八十年代既產物。第一眼見佢個門面都有啲驚會中伏，check左openrice先知原來係寶。啲丸標榜自己打非一般街外貨，就叫左碗魚旦牛丸麵，卅十蚊有六粒丸，比單拼有五丸貴五蚊而多一粒實在不化算。麵: 一般梘水麵，時間剛好，還有一點梘水味，合格之作魚旦: 真係有魚味的魚旦，鬆軟的質感，應該無落粉，非坊間一般麵粉味精鹽的貨色，好。牛丸: 粗獷的外表，一口咬落去丸汁在口腔內四濺，粗獷和野性的纖維與外表一致，相對的是那份原始淳樸略帶微臊的牛肉味。與元朗勝利的細膩嫩滑截然不同，十分難得。總括來説佢啲丸有自己嘅風格，以後應該仲會繼續幫襯
第一眼見佢個門面都有啲驚會中伏，check左openrice先知原來係寶。
啲丸標榜自己打非一般街外貨，就叫左碗魚旦牛丸麵，卅十蚊有六粒丸，比單拼有五丸貴五蚊而多一粒實在不化算。
麵: 一般梘水麵，時間剛好，還有一點梘水味，合格之作
魚旦: 真係有魚味的魚旦，鬆軟的質感，應該無落粉，非坊間一般麵粉味精鹽的貨色，好。
牛丸: 粗獷的外表，一口咬落去丸汁在口腔內四濺，粗獷和野性的纖維與外表一致，相對的是那份原始淳樸略帶微臊的牛肉味。與元朗勝利的細膩嫩滑截然不同，十分難得。
總括來説佢啲丸有自己嘅風格，以後應該仲會繼續幫襯
张贴