喜滿樓菜館

营业中

休息中

元朗冇咩懷舊菜館，經朋友好介紹，所以阿媽生日一家人出去土瓜灣食。樓面阿姐推介幾道懷舊菜包括芝麻雞丶焗魚腸丶蝦多士丶咸魚煎肉餅。佢話芝麻雞呢道菜係功夫菜，花幾個鍾將雞上芝麻及封乾，技巧也流失了。另外個焗魚腸而家好少地方有得食，呢度都算真材實料，而且焗到好香，值得一食。最鍾意個蝦多士，大大隻蝦，啲蝦餃夠晒彈牙，連埋塊脆多士一齊食，多重口感。下次會預訂埋個爵士湯同其他菜式。雖然係遠啲，但係不枉此行，最緊要阿媽生日過得高興。