八月花 (皇室堡)

营业中

休息中

第一次黎皇室堡呢間八月花，晚上7:00去到，坐左3成客人左右，店內環境裝修屬中檔以上級別。一行3人安排左靠邊坐，地方環境闊落，乾淨整潔；去到7:30已經滿座。打開餐牌價錢亦合理，我地3個人叫左椒麻醬雞甫，味道微辣，開胃。茶燻鴨配荷葉餅-賣相擺設唔錯，半只份量亦足夠，跟左辣醬，鴨醬同埋子薑，夾住荷葉餅食，幾特別。豉汁帶子蒸豆腐-雖然普通，但清清地都唔錯。蟹籽蟹肉燴伊麵-味道適中，略嫌伊麵有點淋。三個人埋單$700左右，以出品環境及服務計，價錢非常合理，一啲都唔貴，可再幫襯。