囍八方 (差館上街)

营业中

休息中

我同女女都好鍾意食餃子，朋友介紹我去 上環差館上街嘅囍八方。呢頭都幾多食店，比我想像中容易搵到，尤其佢鋪面紅噹噹好搶眼。餐廳入面亦裝修得古色古香，好有中國特色。叫咗囡囡最鍾意嘅粟米香菇豬肉餃六隻，湯底係骨膠鮮魚湯。店舖標榜零味精，好健康。我就食招牌西洋菜鮮豬肉煎餃，外皮脆卜卜 ，點米酸味味又香口。另外叫咗個飯餐同囡囡share，自家製鹿兒島豬軟骨配飯，送一碗紫菜鮮魚湯。鹿兒島豬軟骨炆得非常霖，軟骨位好似啫喱咁👍試埋佢哋既冷泡茶同埋樽仔奶茶呀，個樽好cute。