樂天皇朝 (東薈城名店倉)

营业中

休息中

去左東涌好多食店選擇，但最後選擇左我最愛既樂天王朝。呢度既小籠包係世界級，皮唔會太厚，但又唔會一夾就穿而流走哂肉汁。肉汁鎖係小籠包入面，一啖咬落去正呀，但小心熱啦。鍋貼都好好食，入面既肉量都好多，大大舊。仲有叫左個油麥菜，唔好見佢清炒，佢D味道都好好。仲有叫左碟咕嚕肉，酸酸甜甜好好味，但係就覺得肉量比較少唔夠食。最重點就係呢個酸辣湯擔擔麵啦，係樂天王朝叫個酸辣湯係$68仲要好細碗，但呢個酸辣湯擔擔麵都係$78，但要大大碗架。