搵食工房

营业中

休息中

今日去左寶琳探朋友，朋友帶左我黎呢間新開無耐的餐廳，cp值爆燈！晚上七點餐廳門口大排人龍，好彩不用等好內，流動率甚高。Menu有一系列焗飯，意粉，意大利飯，薄餅，燴飯，全部5x-8x就有交易，而且份量充足，大大份，性價比超高。今日豪華少少叫左將軍澳限定的鐵板餐，都係100元左右👍🏻如果吾用鐵板改做碟上，仲可以減$5！套餐都會附送餐湯，牛油多士同飲品。🐤鐵板京都照燒鰻魚配香脆美國有機雞排揀左燒汁，淋係熱辣辣鐵板上，香氣出晒黎。半條鰻魚肥美滋味。另外雞扒超巨型重量級！大過我手掌，皮脆肉質好嫩。🐟鐵板香煎蘇格蘭三文魚拚意式扒雜菜三文魚輕輕炸過，香口惹味，魚油豐富，配左意式雜菜，感覺健康。薯菜係原個焗薯，好有誠意，比起出面的炸薯條好食好多。🐟煙三文魚凱撒雜菜賣相好靚，沙律菜新鮮而且份量又係好多，面頭灑左芝士粉同煙肉脆脆，香脆健康之選。🐤脆炸川式避風塘雞脾配沙律必食！外皮超級脆，避風塘口味好惹味，切開入面有肉汁，雞肉嫩滑。☕️檸茶🍹荔枝椰果特飲好大杯，杯底有大量椰果，清新解渴。⭐️商場入面呢間餐廳真係超級經濟，難怪咁多棒場客。