呢个商场有三期，要系度揾食开餐绝对无难度。不论菜式价钱定位都有唔同选择。小资女平实之选就去咗呢间。呢客卖相咁靓嘅烟三文鱼凯撒杂菜沙律拌脆炸巴马火腿 ($68)，点估到系出自茶餐厅。成几大块烟三文鱼，底层系大量杂菜沙律及烟肉脆粒，沙律酱可自由加配。份量都几多，细食嘅都可以当一份主食。系谂紧食咩时，传来后面枱嘅咖喱香味，咁就一于叫个咖喱做主菜。呢客系印度皇室咖喱牛筋腩 ($62)，可选跟饭/意粉。好多咖喱汁，绝对够晒捞饭。味道偏甜，似加咗椰奶。牛筋腩炆得够腍，喜欢牛筋嘅胶质感，滑嘟嘟送饭，两种唔同口感。只有将军澳店限定嘅经典铁板西式餐叫咗客铁板香煎美国极品T骨扒 ($128)，跟餐包埋餐汤，牛油多士。红汤开吓个胃口。另加$9可转特饮。炎夏日子饮杯果味又有气嘅就岩晒，大大杯嘅荔枝梳打，香甜有原粒荔枝肉及椰果粒，好饮。热辣辣嘅铁板T骨扒上枱，酱汁选择烧汁。自己倒酱汁落去，发出”滋滋”声，食铁板餐就系要有呢个仪式感。件扒唔算太厚切，但就好大块，肉质几松软但无梳打粉味。选薯菜仲有个焗薯，性格比相当唔错。压轴出场叫咗客西多士作为另类”甜品”，未食糖浆及牛油香味已散出黎。中间夹住花生酱，甜中带少咸，二人分享岩岩好。配埋杯餐饮热奶茶，茶餐厅出品当然有返咁上下水准。成餐埋单都唔驶三百，由餐汤，沙律，主菜去到甜品都食埋，难怪得到街坊嘅支持。…查看更多
冻都唔紧要，只系想食完快啲埋单走..之后希望询问职员拎麻油既时候，职员唔耐烦大大声讲要逐包收3蚊。收取费用唔系问题..冇必要顾客受呢到态度。食个早餐都要收下气。
