焼肉スマイル (燒肉smile)

今日同朋友去咗旺角食燒肉，聽聞呢間係台灣人氣第一嘅單人燒肉店，性價比極高😋我哋叫咗兩個盛合，一個日和極上盛合，一個牛肉盛合。牛肉盛合包含咗無骨牛小排、板腱牛、牛肋條、橫膈膜同埋牛舌，最欣賞嘅係板腱牛，肉質鮮嫩，又重牛味，牛舌都十分爽口。日和牛肉盛合就更加驚艷，和牛入口即溶，油花分布均勻，各款海鮮都十分唔錯，有魚同蝦😌不過燒咗好耐先熟。餐廳採用無煙設計，唔怕食到身上面衫褲都有味。出邊仲有好多涼菜同埋沙律任君選擇，解解膩😌另外都有飲品，叫咗兩杯冬瓜檸檬，酸酸甜甜十分開胃唔錯😇總括而言，一間唔錯嘅燒肉店