城中鴨子

营业中

休息中

Item: 城中鴨子
Rating: 0
Author: Winnielam724

Duck Victoria

3.5

253 食记

味道

环境

服务

卫生

抵食

21542

尖沙咀

$101-200

京川沪中菜馆

114

Winnielam724

等级4

117

一直都好想食北京填鴨,除咗有時食buffet會偶然食到之外,平時真係好少會特登去食,因為填鴨始終唔係一個人就食到嘅菜式,身邊嘅女仔朋友大多數都會覺得填鴨好膩好滯, 所以每次都放棄左。今日遇到兩個都好鍾意食北京填鴨嘅女仔friend,當然要嚟試下佢哋介紹嘅城中鴨子等位大概十分鐘,好快就被安排咗一張四人枱,我自己好鍾意呢度嘅格局,唔似得一般酒樓或者中菜餐廳咁傳統,呢度比較有style呢度嘅填鴨製作需時45分鐘,建議先落咗order再慢慢點其他菜式。我哋另外揀咗招牌小籠包,火腿津白,溏心蛋同埋每人一壺花茶先講下呢度嘅花茶,因為覺得黎呢度食填鴨如果飲水真係好唔match, 就算飲汽水都唔係好match,所以就揀咗一人一壺花茶啦火腿扒津白有少少偏鹹,菜煮得好林擺盤嘅都好靚,上面有三片火腿。招牌小籠包價錢係比較貴,一籠有六隻,相比金牌小籠個d貴左接近一倍。不過呢度既小籠包做得唔錯,皮薄,湯都好多,熱辣辣有肉汁,好味至於溏心蛋就係一開二,每一份上面都會有塊細細嘅金箔,賣相精美,味道都唔錯,係一隻稱職嘅溏心蛋。終於到咗主角片皮鴨出場啦,本來我哋仲有啲擔心會食唔曬一隻,但係既然一場嚟到叫半隻又覺得唔夠

一直都好想食北京填鴨,除咗有時食buffet會偶然食到之外,平時真係好少會特登去食,因為填鴨始終唔係一個人就食到嘅菜式,身邊嘅女仔朋友大多數都會覺得填鴨好膩好滯, 所以每次都放棄左。今日遇到兩個都好鍾意食北京填鴨嘅女仔friend,當然要嚟試下佢哋介紹嘅城中鴨子

等位大概十分鐘,好快就被安排咗一張四人枱,我自己好鍾意呢度嘅格局,唔似得一般酒樓或者中菜餐廳咁傳統,呢度比較有style

呢度嘅填鴨製作需時45分鐘,建議先落咗order再慢慢點其他菜式。我哋另外揀咗招牌小籠包,火腿津白,溏心蛋同埋每人一壺花茶

先講下呢度嘅花茶,因為覺得黎呢度食填鴨如果飲水真係好唔match, 就算飲汽水都唔係好match,所以就揀咗一人一壺花茶啦

火腿扒津白有少少偏鹹,菜煮得好林擺盤嘅都好靚,上面有三片火腿。招牌小籠包價錢係比較貴,一籠有六隻,相比金牌小籠個d貴左接近一倍。不過呢度既小籠包做得唔錯,皮薄,湯都好多,熱辣辣有肉汁,好味

至於溏心蛋就係一開二,每一份上面都會有塊細細嘅金箔,賣相精美,味道都唔錯,係一隻稱職嘅溏心蛋。終於到咗主角片皮鴨出場啦,本來我哋仲有啲擔心會食唔曬一隻,但係既然一場嚟到叫半隻又覺得唔夠喉,見到個賣相之後,絕對冇後悔叫一隻嘅決定。食片皮鴨最怕就係睇賣相已經乾爭爭,呢度嘅鴨,皮有光澤肉亦都唔會乾,同呢度既其他食物一樣,擺盤都相當有心思。真心講,三個女仔食咁多嘢真係好飽好飽,而且食幾片就已經有啲膩,食完之後我仲滯到第二朝早

但佢嘅品質的確高,值得推介,最後埋單每人$260,以性價比黎計係抵食既。