樂天皇朝 (東薈城名店倉)

营业中

休息中

入到黎東涌咁遠，shopping完想食上海野就簡左呢間樂天皇朝，我就最中意食佢地嘅小籠包。八色小籠包餐牌上有好多唔同嘅嘢食，最突出同埋一定要食嘅一定係呢一樣八色小籠包，八款唔同嘅味道適合唔同口味嘅你，中西合璧，食出新嘅小籠包感覺。最鍾意食麻辣味，啱晒刺激同埋重口味嘅我。原味小籠包食咗八粒小籠包，當然唔足夠啦，再叫多咗一客原味小籠包，黎一個小籠包嘅自由，食得非常滿足，每一粒都充滿湯汁，非常好食。炸銀絲卷亦都係我食上海菜必叫一樣嘢，外脆內軟，加埋甜甜嘅煉奶，真係好食到唔停得口。上海炒飯叫咗個炒飯，分量多，味道夠，適合鍾意澱粉質嘅我。上海炒年糕最後係炒年糕，年糕煙煙銀銀，好好咬，亦都係一定要叫嘅野食，中意佢地豉油味夠重，好好食。