盛記粥麵

营业中

休息中

男朋友講咗想食粥好耐 今日同佢嚟到盛記粥麵 叫咗個北菇雞粥 粥底非常綿 調味啱啱好 啱曬我哋口味 另外我哋仲叫咗口水雞 口水雞個汁辣辣地 雞肉亦算嫩滑 冇諗過喺粥麵店都會有呢種質素同時知道呢度都出名食雲吞 所以我哋叫咗一份炸雲吞 一份有五粒 新鮮炸起嘅雲吞外皮酥脆 而且裏面包裹住非常彈牙嘅蝦仁 好味道 最後要食啲蔬菜平衡下 所以亦叫咗個腩汁菜心 另外不得不提呢度嘅粥麵係可以加配飲品嘅 我哋叫咗個熱薏米水 冇諗過熱薏米水原來帶有濃濃薑汁味 非常暖胃 而且甜甜地加埋啲薏米食 可以當一個中式糖水