維記咖啡粉麵

营业中

休息中

今日我地又再次出動啦, 今次為食之旅係--深水埗區. 首先我地去食0既就係維記0既潤牛麵, 雖然我唔係特別鐘意食豬潤, 不過都想試下, 哈哈!!!我地叫0左一碗豬潤牛肉麵($22) + 一碗牛肉米($20), 因為祖安不食內臟的!!!1. 豬潤牛肉麵 ~ 賣相都唔錯0架. 我第一舊就食豬潤先, Um... 感覺好鮮甜, 我相信豬潤0既fans 一定會勁鐘意, 至於d牛肉就好似肉片喎, 味道就一般, 而且麵底同湯底都比較普通!!!2. 牛肉米 ~ 祖安就覺得湯底比較特別, 而且味道都OK!!! 整體評價: 可以一試, 豬潤愛好者就一定要去啦, 下次我會再試埋件咖央西多士!!!