影片
更多
2018-06-08
190 浏览
之前聽朋友介紹過銅鑼灣有間可以望到維港夜景既台式涮涮鍋站,咁吸睛當然要去朝聖下啦.入到去餐廳闊廠而且好光感覺空間感大每張枱都好闊落餐廳安排左我同朋友坐卡位,卡位好大無壓迫感坐4個人都得.餐廳採用每人一個$398任食火鍋餐,首先揀左想要既特色鍋底再配搭3選一既肉類同2選一既台式手工丸類或夜市滷味火鍋拼盤.另外仲有其他各款任點任食既火鍋配料.同朋友揀左台式麻辣雞鍋,雞鍋一上已經聞到濃香既麻辣味,原來鍋底本身都包含左好多材料,除左雞外仲有各款丸同蔬菜菇同豆卜,好豐富.肉類就揀左手切安格斯牛頸脊肥牛片,一上碟大大份2個人食足夠有餘,牛頸脊肥瘦均勻而且有光澤,解凍得好好無雪鋪係肉上,肉質好軟淋而且帶有淡淡既牛脂香.台式手工拼盤有各款手打丸,特色海鮮滑釀入豆卜同冬菇,仲有餃類.墨魚汁鳥結糖口感札實而且好彈牙咬落有粒粒墨魚肉粒增加彈牙口感,墨汁味鮮太極冬菇釀入鮮蝦同墨魚滑,冬菇size好大而且厚身就算熟左後都唔會過軟菇仲帶有厚實感.黑松露系列既蟹肉及豚肉餃都重黑松香而且見到餡料落足黑松露唔孤寒,若果餃皮可以簿身d會更好.黑松露蟹籽海邊軍艦,豆卜上帶有粒粒黑松露既海鮮滑,食一咬黑松露味已經直擊味蕾,海
餐廳採用每人一個$398任食火鍋餐,首先揀左想要既特色鍋底再配搭3選一既肉類同2選一既台式手工丸類或夜市滷味火鍋拼盤.另外仲有其他各款任點任食既火鍋配料.
同朋友揀左台式麻辣雞鍋,雞鍋一上已經聞到濃香既麻辣味,原來鍋底本身都包含左好多材料,除左雞外仲有各款丸同蔬菜菇同豆卜,好豐富.
肉類就揀左手切安格斯牛頸脊肥牛片,一上碟大大份2個人食足夠有餘,牛頸脊肥瘦均勻而且有光澤,解凍得好好無雪鋪係肉上,肉質好軟淋而且帶有淡淡既牛脂香.
台式手工拼盤有各款手打丸,特色海鮮滑釀入豆卜同冬菇,仲有餃類.
墨魚汁鳥結糖口感札實而且好彈牙咬落有粒粒墨魚肉粒增加彈牙口感,墨汁味鮮
太極冬菇釀入鮮蝦同墨魚滑,冬菇size好大而且厚身就算熟左後都唔會過軟菇仲帶有厚實感.
黑松露系列既蟹肉及豚肉餃都重黑松香而且見到餡料落足黑松露唔孤寒,若果餃皮可以簿身d會更好.黑松露蟹籽海邊軍艦,豆卜上帶有粒粒黑松露既海鮮滑,食一咬黑松露味已經直擊味蕾,海鮮滑貫徹一樣既彈牙口感.
手工炸響鈴好有誠意,好大而且脆足足一隻手板咁長要切開一半先食到,店員都好細心咁幫我同朋友分開一半,魚皮香而脆.
整體十分滿意,除左食材任點任食仲有各式各樣飲品解渴,難得既係連酒精飲品都可以無限添飲,雖然$398唔係平但以食物質素種類同景色服務絕對係抵食.
张贴
